VOV4.K’ho- Drim ngai 16/8 tàm Hà Nội, Ban Thường trực Ủy ban Mặt trận dà lơgar Việt Nam bơyai lơh Pơrjum pờ tơn tàm internet gùt lơgar lam lơh Broă lơh bơh Mặt trận dà lơgar Việt Nam mờ ală mpồl geh jơng dê lơh jat Nghị quyết pơrjum dờng Đảng gùt lơgar dơ̆ 13.

Tus bal mờ đơs đơng lam tàm pơrjum, Tổng Bí thư ồng Nguyễn Phú Trọng đơs nền, nàng gơtùi lam lơh gùng dà, kơnòl broă, jơnau kờñ kuơmàng bơh Nghị quyết Pơrjum dờng Đảng gùt lơgar dơ̆ 13 dê, ờ geh broă lơi ndai là bol he pal gơtùi tơnguh bơta pràn tam klac dờng bơh gùt jơi bơtiàn dê pơgồp bal mờ bơta pràn tŭ tơngai tềng đap bơta đơng lam bồ di ngan, ngac ngar bơh Đảng dê.

Tổng Bí thư ồng Nguyễn Phú Trọng sồr Mặt trận dà lơgar Việt Nam mờ ală mpồl geh jơng pal pơn jat tai sơlơ tơnguh broă bơt bơtàu mờ gàr kơ̆ mpồl tam klac dờng gùt jơi bơtiàn, tơnguh nùs nhơm bơceh pa bơh ală rơnàng làng bol dê; kuơmàng, tơnguh bơta pràn bơceh pa dờng màng bơh ală rơnàng làng bol dê. Bal mờ hơ̆ là sền gròi tus bơta kơp kờñ mờ bơta kuơ ngan ngồn bơh tơl rơnàng làng bol dê.

Cau mblàng K’Duẩn