VOV4.K’ho- Drim ngai 28/6, tơnơ̆ dơ̆ wă rò ngan ngồn, tàm hìu lơh broă Đảng dà lơgar, Tổng Bí thư ồng Nguyễn Phú Trọng neh tìp mat cribơyai broă mờ Tổng Bí thư, Chủ tịch lơgar Lào ồng Thongloun Sisoulith. Tàm nùs nhơm pin dờn, tam klac kuơmàng, 2 gah yal gơp in bè broă bơh tơl Đảng, tơl lơgar dê; cribơyai bè ală gùng dà, broă lơh ngai sơlơ bơtàu tơnguh git gơp đah 2 Đảng, 2 lơgar kung bè ală broă tàm dunia mờ tàm tiah do jơh bal 2 lơgar sền gròi bal.

Tổng Bí thư Nguyễn Phú Trịng tìp mat Tổng Bí thư, Chủ tịch lơgar Lào ồng Thongloun Sisoulith

Dơ̆ lòt còp bơh mpồl kuang bàng dờng màng Đảng, dà lơgar Lào dê lơh jat bơta kơp kờñ bơh 2 gah dê kờñ pơn jat tai cribơyai ală mờng chài tàm bơtàu tơnguh, ală broă lơh chul chồl lam lơh geh cồng nha ală jơnau ring bal dờng màng 2 Đảng, 2 lơgar tàm nam do mờ ală nam pơn jat tai. Bơh hơ̆ đơs nền nùs nhơm tam klac đềt mềr, pin dờn, jơh nùs, sàng goh, niam bơnĕ ờ tam gơl bơh Đảng mờ dà lơgar, làng bol 2 lơgar dê nàng bal mờ gơp cribơyai ală mờng chài tàm bơtàu tơnguh, ală broă lơh chul chồl lam lơh geh cồng nha ală Jơnau ring bal dờng màng 2 Đảng, 2 dà lơgar.

Cau mblàng K’Duẩn