VOV4.K’ho- Drim ngai 05/5, tàm Hà Nội geh lơh tơngkah 70 nam ngai crơng gơs Ngân hàng Việt Nam (06/5/1951- 06/5/2021) mờ dờp Huân chương lơh broă khà dùl. Tổng Bí thư ồng Nguyễn Phú Trọng neh tus bal mờ đơs tàm dơ̆ bơyai lơh. Kah wơl bơhiàn bơt bơtàu mờ dờng pràn bơh gah Ngân hàng dê, Thống đốc Ngân hàng dà lơgar Việt Nam mò Nguyễn Thị Hồng đơs nền: Sền wơl gơl gùng 70 nam do, gah Ngân hàng sùm pơn iờ să bè ală cồng nha, bơta tă pơgồp bơh gah do dê gơ wèt tus mờ broă lơh bơt bơtàu, bơtàu tơnguh mờ sền gàr dà lơgar.

Jờng rơ ală cồng nha gah Ngân hàng lơh geh, Tổng Bí thư ồng Nguyễn Phú Trọng đơs nền: Nàng gơtùi lơh geh ală jơnau kờñ bơtàu tơnguh dà lơgar, gah Ngân hàng mờ gơnoar broă là gah tờm ngan bơh rài lơh sa dê pal pơn jat tai tơnguh tơl làm, lơh ngan rlau tai, tơnguh niam ală cồng nha mờ jơnau bơsram mờng chài geh cồng nha; jơh nùs bơsong gơtùi ală bơta ờ niam, bơta ờ pràn nàng git tŭ niam, lam dà lơgar bơtàu tơnguh mhar mờ kơ̆ kơljap rlau tai tàm tŭ tơngai pa.

Cau mblàng K’Duẩn