VOV4.K’ho- Tàm Hìu lơh broă Đảng dà lơgar, Tổng Bí thư ồng Nguyễn Phú Trọng, Chủ tịch Đảng Nhân dân Campuchia, Thủ tướng lơgar Campuchia ồng Hun Sen mờ Tổng Bí thư, Chủ tịch lơgar Lào ồng Thongloun Sisoulith pa geh dơ̆ tìp mat dờng màng Việt Nam- Campuchia- Lào.

Tàm dơ̆ tìp mat, 3 nă kuang đơng lam bồ bơh 3 Đảng dê neh cribơyai bè broă lơh bal tàm tơngai lài; cribơyai bè gùng dà lơh broă bal tàm tơngai tus; ring bal bè bơta kuơmàng bơh git gơp ờs mờng, tam klac lơh bơyô, rềp mềr đah 3 đảng, 3 lơgar. Pe nă kuang đơng lam bồ ring bal sơlơ tơnguh lơh broă bal tàm ală gah tàm tơngai tus, tài bơta kuơ bơh làng bol 3 lơgar dê, tài ring lơngai, kơ̆ kơljap, lơh broă bal mờ bơtàu tơnguh tàm tiah do mờ tàm dunia.

Cau mblàng K’Duẩn