VOV4.K’ho- Ngai 20/12, tàm Hà Nội neh geh lơh Pơrjum Đảng ủy Kwang àng dà lơgar. Sồr tàm dơ̆ pơrjum, Tổng Ƀí thư ồng Nguyễn Phú Trọng đơs, gơwèt mờ gah Kwang àng nam 2021 là dùl nam bòl glar ngan, mơya kung pal pơñiờ să ngan sơl, lời wơl tềl kah niam.

Tổng Ƀí thư ồng Nguyễn Phú Trọng đơs sồr lơh tàm pơrjum

Bơh bơta đơng lam bơh Đảng dê, ătbồ, đơng pơlam bơh Dà lơgar dê, jơh gùt mpồl kwang àng làng bol lơh sir tơl làm ală bơta broă lơh kwang àng nam do, tàm hơ̆ geh uă kơnòl broă lơh gơs jak ngan, bè: lơh niam broă lơh lơh broă mờ lơgar ndai, broă lơh hòi jà làng bol tàm bơta gơbàn kal ke; tus bal jơh nùs rơcăng lài, mờ geh cồng nha tàm dơ̆ tam dră, rơcăng sơndră sa kwề sa kwà, ờ niam. Đơs bè kơnòl broă tàm tơngai tus, Tổng Ƀí thư ồng Nguyễn Phú Trọng sồr, Đảng ƀộ Kwang àng Dà lơgar, mpồl kwang àng làng bol pơn jăt tai đòm jăt cồng nha neh lơh geh, bơta mờng chài tàm tơngai lài, rơcăng lài gĭt nền broă gơlik geh; ờ gŏ di lời nisơna tàm jơh ală broă gơlik geh. Rơcăng lài ală gùng dà, broă lơh bơsong di tŭ ngan lơngăp lơngai, ờdo ờdă ală dơ̆ pơrjum ciñ trị kwơmàng bơh dà lơgar dê.

Cau mblàng Lơ Mu K’Yến