VOV4.K’ho- Dờp jơnau jà bơh Ban Chấp hành Đảng Cộng sản dà lơgar Lo, mang ngai 6/7, Tổng Bí thư ồng Nguyễn Phú Trọng lam bồ Mpồl ala mat Kuang bàng kấp dờng màng Đảng Cộng sản Việt Nam tus bal pơrjum Kuang bàng kấp dờng màng pờ tơlik tơn tàm internet đah Đảng Cộng sản lơgar Lo mờ ală Đảng chính trị tàm dunia. Pơrjum geh tơngume “Tài bơh bơta chờ hờp bơh làng bol, kơnòl bơh Đảng chính trị dê”, geh bơta tus bal bơh pơgap 10 rơbô nă Kuang bàng tus bơh 500 Đảng chính trị mờ mpồl lơh broă dunia.

Tổng Bí thư ồng Nguyễn Phú Trọng

Broă lơgar Lo jà Tổng Bí thư ồng Nguyễn Phú Trọng tus bal mờ đơs tàm dơ̆ pơrjum tơngŏ  bơta sền dờng màng ngan gơnoar broă, bơngă dunia bơh Đảng mờ Dà lơgar he dê, bơta gĭt gơ̆p Việt Nam mờ Lo. Kuơ màng, broă Tổng Bí thư ồng Nguyễn Phú Trọng tus bal mờ geh jơnau đơs tàm dơ̆ pơrjum kung đơs nền tàm khà uă ngan rlau jơh bơta sền dờng màng bơh Đảng he dê gơwèt mờ Đảng Cộng sản dà lơgar Lo, bơta gĭt gơ̆p 2 Đảng, 2 lơgar Việt Nam mờ Lo; tơngŏ Đảng Cộng sản Việt Nam sùm sền dờng màng broă lơh lơh broă mờ lơgar ndai jat tàm bơnàng jă ring bal, ki ngàm bal mờ gơ̆p, tŭ lơi kung kờñ bal mờ ală Đảng chính trị, ală lơgar tă pơgồp jơh nùs ngan ai ală broă lơh bal bơh dunia dê.

Cau mblàng K’Hạnh