VOV4.K’ho - Tàm hìu lơh broă Đảng Dà lơgar, Tổng Bí thư ồng Nguyễn Phú Trọng neh geh dơ̆ wă ồng Ngụy Phượng Hoà, Ủy viên Quốc vụ, Bộ trưởng Quốc phòng lơgar Lo còp lơgar Việt Nam mờ tus bal tìp gĭt gơ̆p broă sền gàr tiah nhàr dà lơgar đah lơgar Việt Nam mờ lơgar Lo dơ̆ 6 mờ cri bơyai broă sền gàr dà lơgar cấp Thứ trưởng dơ̆ 7 bơh Bộ Quốc phòng bàr lơgar.

Tổng Bí thư ồng Nguyễn Phú Trọng chờ gờm lơgar Lo pa bơyai lơh geh cồng nha pơrjum dơ̆ 4 nggùl tơngai lơh broă khoă 13, ring bal rơndăp lơh jăt ù tiah 5 nam dơ̆ 14; Tổng Bí thư đơs tus mờ broă sền kuơ bơh Đảng, Dà lơgar bal mờ làng bol lơgar Việt Nam dê gơwèt mờ broă lơh bal jŏ jòng tơl ală bơta đah lơgar Việt Nam mờ lơgar Lo, broă kờñ bal tàm rài lài do Đảng dê, Dà lơgar bal mờ làng bol bàr lơgar; kơ̆p kờñ bàr Đảng, bàr lơgar geh pơn jăt tai lơh ngan nàng gàr tiah kis ring lơngai, lơh broă bal tàm tơngu me gĭt jơnau tus mờ bơta kuơ di pal bơh bàr lơgar, broă lơh gĭt gơ̆p bal tài bơta kuơ bal là ring lơngai, ring niam, lơh broă bal tàm tiah do mờ tàm dunia.

Cau mblàng Ndong Brawl