VOV4.K’ho- Mho ngai 29/10, tàm hìu lơh broă Đảng dà lơgar, Tổng Bí thư ồng Nguyễn Phú Trọng wă rềp mềr Đại sứ lơgar Cuba tus lùp còp di tơngkah 55 nam, dơ̆ tìp mat kah yau đah Chủ tịch Hồ Chí Minh mờ kuang đơng lam bồ kac màng Cuba ồng Raul Castro (29/10/1966- 29/10/2021) mờ ồng Đại sứ sơn đờm tơngai lơh broă tàm lơgar Việt Nam.

Di tŭ do, Tổng Bí thư Nguyễn Phú Trọng đơs nền wơl nùs nhơm tam klac bal ờ tam gơl, git gơp oh mi, cau ling bal bơh Đảng, dà lơgar mờ làng bol Việt Nam mờ Đảng, dà lơgar mờ làng bol Cuba; Việt Nam pơn jat tai lòt bal mờ Cuba tàm broă bơ tơl jơnau tơnggit broă lơh sa- mpồl bơtiàn xã hội chủ nghĩa. Tổng Bí thư ồng Nguyễn Phú Trọng jơh nùs ưn ngài Đảng, dà lơgar mờ làng bol Cuba oh mi, nùs nhơm bơh kuang đơng lam bồ Raul Castro dê mờ ală kuang đơng lam bồ Cuba dê, bulah gam gơtìp uă kal ke mơya kung gam rơcang tam pà, dong kờl Việt Nam, kuơmàng là lơh broă bal bè sơnơm vaccine rơcang sơndră kòp Covid-19.

Cau mblàng K’Duẩn