VOV4.K’ho - Mho òr (12/08), tàm hìu lơh broă Đảng Dà lơgar, Tổng Bí thư ồng Nguyễn Phú Trọng neh wă Đại sứ lơgar Nga ồng Bezdetko Gennady Stepanovich, di dơ̆ sơn đờm tơngai lơh broă tàm lơgar Việt Nam.

                                   Tổng Bí thư ồng Nguyễn Phú Trọng wă Đại sứ lơgar Nga

Bàr lơgar kung geh bal nùs nhơm tàm jơh ală broă dunia, pơgồp bal nền nòn mờ kờñ bal tàm ală pơrjum uă lơgar dunia mờ tàm tiah do. Broă lơh gĭt gơ̆p bơh Đảng Cộng sản Việt Nam mờ ală đảng tờm lơgar Nga geh uă broă tơnguh bơtàu pa, pơgồp bal kuơ màng tàm broă tơnguh broă lơh gĭt gơ̆p bơh bàr lơgar. Tổng Bí thư đơs, Đảng, Dà lơgar bal mờ làng bol lơgar Việt Nam sùm gĭt ưn ngài broă dong kờl jơh nùs mờ lơgar Liên Xô lài do mờ lơgar Nga tŭ do neh ai lơgar Việt Nam in, lài mờ tơnơ̆ kung ndrờm bal, sền kuơ, chồl pràn broă lơh gĭt gơ̆p, lơh broă bal bơh bàr lơgar. Tổng Bí thư pin là, Đại sứ lơgar Nga mờ uă nam lơh broă geh uă bơta mờng chài tàm broă lơh mờ đềt mềr mờ lơgar Việt Nam, geh pơn jăt tai ală broă pơgồp bal niam mờ geh cồng nha rơlao tai ai broă lơh gĭt gơ̆p đah lơgar Việt Nam mờ lơgar Nga tàm tơngai tus.

Cau mblàng Ndong Brawl