VOV4.K’ho- Mho òr (27/8), tàm Hìu duh broă Đảng Dà lơgar dê, ồng Nguyễn Phú Trọng, Tổng Bí thư Đảng dà lơgar neh wa\ rò đềt mềr ồng Mi-ghen Mê-hi-a, Tổng Bí thư Đảng Srơh Đah kiau Tơrgùm dùl (MIU), mơkung là Bộ trưởng Gùng dà broă lơh mu\t gơrờm bal tàm tiah do lơgar Dominicana gam còp mờ lơh broă tàm lơgar Việt Nam.

Ồng Nguyễn Phú Trọng, Tổng Bí thư Đảng dà lơgar tơngo\ nùs nhơm pin dờn tàm tơngai tus, Đảng MIU geh pơn jat tai lơh geh uă cồng nha dờng rlau tai tàm broă lơh tam dră dipal bơh he dê, tài ring lơngai, lơngăp lơngai is jơi bơtiàn, làng bol lơh tờm, gơguh jak mờ ring bal mpồl bơtiàn; mờ đơs là, tàm tơngai tus 2 đảng pal pơn jat tai lơh pràn bơta gi\t gơ\p bè ai ală mpồl kuang bàng ală kấp lòt còp bal mờ gơ\p, tàm yal tơngi\t bal bơta mờng chài lơh broă ngan ngồn.

Ồng Nguyễn Phú Trọng tơngo\ nùs nhơm pin dờn là, mờ gơnoar broă kuơmàng tàm broă lơh chính trị lơgar Dominicana dê, Đảng MIU geh pơn jat tai pơgồp bơnah jơh nùs tàm broă lơh kơ\ kơl jăp rlau tai bơta gi\t gơ\p lơh broă bal đah 2 lơgar Việt Nam mờ Cộng hoà Dominicana.

Cau mblàng Lơ Mu K’Yến