VOV4.K’ho- Drim ngai 06/9, tàm Hà Nội, Tổng Liên đoàn Lao động Việt Nam bơyai lơh dơ̆ lam lơh srơh tàm pơrlòng “Công nhân, viên chức, cau lơh broă lơh ngan sơrlèt gan kal ke, bơceh pa, lơh ngan jai pha kòp dờng Covid-19” tus 83 anih pờ tơlik tơn tàm gùt lơgar. Dơ̆ bơtờp kòp Covid-19 dơ̆ 4 bơh ngai 27/4 tus tŭ do geh ală broă gơlik geh kal ke ngan, lơh gơ rềng uă ngan tus rài kis làng bol mờ bơta kơ̆ kơljap, bơtàu tơnguh lơh sa- mpồl bơtiàn dà lơgar. Bulah bè hơ̆, jơh gùt mpồl lơh broă chính trị mờ làng bol gùt lơgar neh tam klac bal, dùl nùs bal, lơh ngan lam lơh ală broă lơh rơcang sơndră kòp dờng.

Tàm dơ̆ lam lơh, Chủ tịch Tổng Liên đoàn Lao động Việt Nam ồng Nguyễn Đình Khang hòi jà jơh gùt kuang bàng, đoàn viên, công nhân, viên chức, cau lơh broă gùt lơgar tơnguh bơhiàn kờñ gơboh dà lơgar, tam klac bal dùl nùs, geh kơnòl rlau, jơh nùs rlau, lơh ngan rlau tai, sơrlèt gan tơl kal ke, bơta lòng, lơh ngan tàm pơrlòng nàng kờñ lam lơh geh cồng nha jơnau kờñ mhar kơryan kòp bơtờp, bơtàu tơnguh wơl lơh sa.

Cau mblàng K’Duẩn