VOV4.K’ho - UBND càr Dak Lak bơyai lơh pơrjum sền wơl 7 nam lơh broa\ bơto broa\ lơh ai tus cau lơh broa\ tàm [òn lơgar mờ tơnjơh broa\ lơh bơto bơtê broa\ lơh nam 2017. Dơ\ pơrjum neh tơlik  ala\ broa\ lợh tơngai bơh nam 2018-2020, bơto bơtê 26.600 na\ cau lơh broa\ tàm [òn lơgar, êt ngan geh 80%  kha cau geh broa\ lơh pa hala pơnjat tai geh lơh broa\ yau mơya pal geh cồng nha ua\,  pria\ geh jơnhua rlau…

Đơs  tàm dơ\ pơrjum, atbồ càr Daklak geh jơnau sồr tàm tơngai tus ala\ [òn lơgar kờ` pal pơnjat tai jơnau yal tơnggit ala\ gùng dà broa\ lơh, chính sách bơh Đảng mờ Dà lơgar bè bơto bơtê broa\ lơh, rơndap broa\, ai cau lơh broa\ rơndap wơl broa\ lơh hìu bơto broa\ lơh di pal, gàr niam bơtàu tơngguh khà  broa\ lơh, di pal  jat mờ Nghị quyết bơh càr mờ geh cih bơh dà lơgar. Ala\ mpồl bơto broa\ lơh kờ` pal pơnjat tai tam gơl broa\ lơh, tơngu me broa\ lơh tus cau lơh broa\  [òn lơgar, lơh geh broa\ lơh,  rơndap broa\ lơh bơto bơtê di pal mờ jơnau mùl màl mờ bơta kờ` bơh [òn lơgar…

                                       Cau cih mờ yal tơnggit K’ Brọp