VOV4.K’ho- Kơnhoàl M’drak, càr Dăk Lăk geh mờr 63 rbô lồ brê. Tài bơh tơngai prang jo\ jòng uă nhai sùm neh lơh uă bă brê tàm do gam ơm tàm khà yal lài ngòt rơngơ\t ngan. Gah lơh broă geh gơnoar tàm kơnhoàl M’drak bal mờ ală cau tờm brê gam jơh nùs ngan lơh jăt broă lơh rcăng sơndră ồs sa brê.

Tơngai do, uă bă brê tàm ală tiểu khu: 776, 781, 782…gơ wèt bơnơm Vọng Phu tàm kơnhoàl M’drak, càr Dăk Lăk neh sơrlèt gan uă nhai tơngai prang, digơlan gơtìp ồs sa uă ngan. Ồng Nguyễn Văn Nam, kuang bàng lơh broă tàm Trạm Kiểm lâm sồ 1, gơ wèt Hạt Kiểm lâm brê rcăng gàr bồ tô dà bơnơm Vọng Phu, pà gi\t: Trạm sền gàr rlau 36 rbô lồ brê geh is, mơya mìng geh 7 nă cau lơm den tàng tơngai pơhìn ồs sa brê uă bè do cau lơi kung pal drơng gak lơm, rcăng gàr lài, ngòt digơlan gơtìp ồs sa brê.

Ồng Nguyễn Văn Nam, đơs: Pơhìn kấp yal ồs sa brê bè kấp 5 tu\ do, bol a` tam pà lơh 3 dơ\, drơng gak jơh 100%, drơng gak sùm ngai kung bè mang. Tu\ lòt sền, bol a` cèng jăt bal thùng dà, ding crùh ồs sa CO2, ..rcăng sơndră mờ crùh ồs sa brê. Ală anih bol a` sùm lòt sền là ală anih geh uă brê [ươn gơbàn ồs sa, bè: [òn M’o, M’jam, Cùi, xã Ea Trang geh uă tiah dòr prơng nho, [ươn ngan gơtìp ồs sa.

Ală cau tờm brê tàm M’drak gam jơh nùs lơh jăt ală broă lơh rcăng sơndră ồs sa mờ crùh ồs sa brê

Pơhìn ồs sa brê kung gam pơhìn sơl uă bă brê tam. Jăt ồng Phan Văn Châu, Kuang ătbồ Công ty TNHH MTV Lâm nghiệp M’drak, tu\ do công ty do ătbồ 25 rbô lồ brê; tàm hơ\, 9 rbô 200 lồ là brê geh is, pơgăp 5 rbô 300 lồ là brê tam. Tàm kờp jơh rlau 5 rbô 300 lồ brê tam ndrờm gơ rềp bal mờ ală [òn làng bol ơm kis den tàng [ươn ngan pơhìn ồs sa. Den tàng bè hơ\, broă lơh rcăng sơndră ồs sa brê bơh công ty dê gam geh lam lơh jăt krà` cê jơh nùs ngan.

Ồng Phan Văn Châu, yal: Ù tiah dềt trồ tiah bơh M’drak dê sùm gơ do\ jòng rlau pơndrờm mờ ală tiah ndai tàm càr là jo\ jòng bơh bồ nam tus nhai 7. Bol a` sùm lòt sền, lơh niam wơl ală gùng bơkang kơryan ồs, ală nhơ\t hòn lềng geh cèng ai tơlik bơh brê nàng rcăng sơndră ồs sa brê. Ai jơh 100% khà cau tus drơng gak nàng bơsong dilah geh jơnau ồs sa brê. Mblàng yal làng bol kis rềp kềng brê in gi\t wa\ geh broă ngui ồs tàm ală tu\ rcăng sơndră ồs sa brê.

Ồng Y Knak Byă, Kuang ătbồ Hạt Kiểm lâm kơnhoàl M’drak pà gi\t: Tu\ do, tiah kuơmàng geh pơhìn gơtìp ồs sa uă ngan rlau jơh là pơgăp 45 rbô lồ, tơrgùm uă tàm ală xã: Cư San, Ea Trang, Ea H’mlây, tiah rềp nhàr bal mờ bàr pe tiah bơh 2 càr Phú Yên mờ Khánh Hoà dê. Tơngai duh tơ àl ir lơh ală nhơ\t halà ntê chi ro [ươn ngan gơcik ồs. Tu\ geh ồs sa den kal ke ngan crùh gơ sơ\t tài bơh jơh ală dà dờng, dà croh, tơnau dà halà bơtơ\t dơng dà tàm do ndrờm neh soăt jơh dà, mpờl gời lu\ liang lơm. Mpồl kiểm lâm gam jơh nùs ngan pơgồp bal mờ ală cau tờm brê lơh uă broă lơh rcăng sơndră ồs sa brê jăt broă lơh 4 tơn dùl bă tiah.

Lam lòt pès jì wàs nhơ\t nàng kơryan ồs

Ồng Y Knak Byă, yal: Bol a` sùm lòt sền, bơto tơngkah ală cau tờm brê geh broă rơndăp lơh rcăng sơndră ồs sa brê, crùh ồs sa brê, gùng dà ătbồ sền gàr brê kàl prang. Bè, lơh ală gùng bơkang kơryan ồs; lam lòt sền, drơng gak sùm ngai kung bè mang. Ai tai mpồl cau bơh tiah do dê, mpồl cau bơh cau tờm brê dê. Hạt Kiểm lâm ai tai măy [ồm dà pràn, uă ding [ồm CO2, vỉ crùh ồs, phan ngui…

Cau cih Tuấn Long- Cau mblàng Lơ Mu K’Yến