VOV4.K’ho- Drim ngai 12/7 tàm Hà Nội, Chủ tịch lơgar ồng Nguyễn Xuân Phúc, Chủ tịch Mpồl duh broă sền gàr dà lơgar mờ sền gàr lơngap lơngai, kuang đơng lam ală Mpồl lơh broă geh phàu crong làng bol tus bal dơ̆ tơngkah 75 nam Ngai bơhiàn mpồl sền gàr lơngap lơngai làng bol (12/7).

Đơs tàm dơ̆ bơyai lơh tơngkah, Chủ tịch lơgar ồng Nguyễn Xuân Phúc sồr Mpồl sền gàr lơngap lơngai làng bol tàm khat dùl bơta lơi pal sùm gàr kơ̆ kơrnuat gàr niam bơta đơng lam bồ bè tơl bơta bơh Đảng, bơta đơng lam bồ bơh Chủ tịch lơgar dê, bơta ring bal atbồ bơh Chính phủ dê. Mờ kung pơn jat tai lơh jat nền nòn, geh cồng nha gùng dà, broă lơh bơh Đảng, bơta dong kờl, adat boh lam bơh dà lơgar dê bè sền gàr lơngap lơngai dà lơgar; git loh jơnau sồr, kơnòl broă ai tơlik là gàr kơ̆ lơngap lơngai dà lơgar tàm tơl broă gơlik geh, ờ lời gơtìp rơ mơp ndơl, nisơna.

Chủ tịch lơgar ồng Nguyễn Xuân Phúc sồr Mpồl sền gàr lơngap lơngai làng bol lơh jat geh cồng nha ală gùng dà, jơnau đơs: Sền gàr lơngap lơngai rơcang lài, pal rơcang sơndră bơh gờñ, bơh ngài ală jơnau pơhìn, ală bơta digơlan lơh roh kơ̆ kơljap; ai rơcang sơndră, gàr kơ̆ tàm dơlam lơh tờm, tàm hơ̆ lơngap lơngai dà lơgar pal gơ gơs là bơta pràn kuơmàng nàng bơt bơtàu mờ bơtàu tơnguh dà lơgar.

Cau mblàng K’Duẩn