VOV4.K’ho- Tàm Hà Nội, Đại sứ quán Chile tàm lơgar Việt nam neh bơyai lơh tơngkah kir sơnrai 50 nam ngai crơng gơs git gơp lơh broă bal Việt Nam mờ Chile là lơgar lơh broă bal kă bro dờng dơ̆ 4 bơh lơgar Việt Nam dê tàm tiah Mỹ Latinh mờ Việt Nam là lơgar lơh broă bal kă bro dờng ngan rlau jơh bơh lơgar Chile dê tàm mpồl ASEAN, mờ priă lơh geh bơh kă bro tàm nhai 10 nam do geh 1 tơmàn 600 tơlak dolar Mỹ.

Tàm dơ̆ bơyai lơh, Thứ trưởng Bộ Ngoại giao ồng Nguyễn Quốc Dũng neh yal wơl gơl gùng lơh broă bal tàm 50 nam do; mờ kung pà git, priă lơh geh bơh kă bro đah 2 lơgar 9 nhai bồ nam 2021 geh mờr 1 tơmàn 470 tơlak dolar Mỹ, gơguh 59% pơndrờm mờ bal dùl tŭ nam 2020. Việt Nam mờ Chile pơn jat tai pơgồp jơh nùs mờ tàm dong kờl bal mờ gơp tàm ală mpồl lơh broă dunia mờ cribơyai uă lơgar, pơn jat tai lơh broă bal mờ tàm dong kờl bal mờ gơp nàng sơndră mờ kòp dờng, ai tơnggŏ bơta tam klac, lơh bơyô rềp mềr đah làng bol 2 lơgar.

Cau mblàng K’Duẩn