VOV4.K’ho- Drim òr 9/5, tàm càr lơgar Vientiane, lơgar Lào dê, Bộ Quốc phòng lơgar Lào pơgồp bal mờ anih lơh broă ala mat Quốc phòng Việt Nam tàm lơgar Lào bơyai lơh dơ\ tơngkah kir sơnrai 65 nam Tam lơh pha lin Điện Biên Phủ. Thứ trưởng Bộ Quốc phòng Lào, Trung tướng Phuvong Vongphom đơs ngan: Tam lơh pha lin kah yau Điện Biên phủ là tam lơh pha lin bơh nùs nhơm tam lơh khin cha, kơ\ dơn, kong bòl glar kal ke phi să bơh mpồl ling mờ làng bol Việt Nam dê, bơh nùs nhơm tam klac, tàm tơrgùm bal tam lơh bơh mpồl ling 2 lơgar Việt Nam mờ Lào dê.

Đơs tàm dơ\ bơyai lơh tơngkah, Kuang atbồ Anih lơh broă ala mat Quốc phòng Việt Nam tàm lơgar Lào, Đại tá Tào Văn Thái tơlik nùs nhơm gi\t ưn ngài uă ngan gơ wèt tus mờ Đảng, Dà lơgar, Mpồl ling mờ làng bol lơgar Lào sùm lời ai kăc màng Việt Nam in bơta kờ` bal, dong kờl kuơmàng tàm broă lơh tam lơh tơngklàs jơi bơtiàn lài do kung bè tàm broă lơh bơ\t bơtàu mờ sền gàr Dà lơgar tu\ do.

Mơkung đơs ngan: Do là tam lơh pha lin bơh nùs tam klac bal mờ tàm tơrgùm bal tam lơh dùl nùs dùl tồr bal, đềt mềr bal đah Việt Nam mờ Lào dê; là tam lơh pha lin bal bơh pe lơgar Đông Dương mờ ală jơi bơtiàn gơtìp rồn bơklơn pù pờng tàm dunia dê.

Cau mblàng Lơ Mu K’Yến