VOV4.K’ho- Drim ngai 12/12, di tòm 90 nam ngai geh lơh dơ̆ tam lơh lời wơl mhàm bơh ală cau jàm kộng sản dê tàm hìu jàm Kon Tum lơh rơngô ờ gŏ di mìng tàm Kon Tum lơgar Việt Nam dê lơm mờ tàm jơh gùt ù tiah Đông Dương dê tơn, Tỉnh ủy, Hội đồng Ñân dân, Ủy ƀan Ñân dân, Ủy ƀan Mặt trận dà lơgar Việt Nam càr Kon Tum bơyai lơh Dơ̆ tơngkah kir sơnrai 90 nam dơ̆ tam lơh gàr wơl mhàm nàng kờñ kah wơl bơhiàn kah yau kăc màng khin cha jak chài bơh jơi bơtiàn dê; kah rơngal bơta khin cha ngan, chơ̆t phi să jak chài ngan bơh ală cau ling kộng sản dê tàm dơ̆ tam lơh mờ bol sò tơm Tây sơgràm phà dà lơgar mờ bol lơh dĭ gơna cau sò tơm in tàm hìu jàm Kon Tum.

Anih bơyai lơh Dơ̆ tơngkah kir sơnrai 90 nam dơ̆ tam lơh lời wơl mhàm tàm hìu jàm Kon Tum

Hìu jàm Kon Tum bơh bol sò tơm lơgar Tây dê lơh bơh ală nam 1915- 1917, là tiah krơ̆ jàm cau jàm ciñ trị geh crơng gơs gờñ ngan tàm tiah Tây Nguyên. Geh tŭ hìu jàm Kon Tum krơ̆ jàm rlau 500 nă cau jàm ciñ trị. Bơta pràn lơh gơrề bơh dơ̆ tam lơh lời wơl mhàm mờ ơ̆t sa tàm hìu jàm Kon Tum tàm nhai 12 nam 1931 lồi dŭt lơh bol sò tơm Tây pal tam gơl broă ătbồ jàñ bơsak ngan, dờp lời nùs jăt jơnau sồr bơh ală cau jàm ciñ trị dê sồr, sang jơh broă lơh gùng 14; kuơmàng tus nam 1934, bol sò tơm Tây pal tơn lời lơh broă mpồl cau ătbồ hìu jàm Kon Tum, sang jơh tơn hìu jàm dềt Kon Tum.

 Cau mblàng Lơ Mu K’Yến