VOV4.K’ho- Drim ngai 12/11, ală mpồl lơh gùng pơn jat tai lơh niam wơl tiah tơrlah gùng rơndeh 27C, gơl lòt gan kuèl Khánh Lê, gơ wèt kơnhoàl Khánh Vĩnh, càr Khánh Hòa tơnơ̆ tŭ neh ai lòt rê 1 bơnàng gùng rơndeh tàm mang ngai 11/11.

                    Mpồl lơh broă neh lơh ngan chŏ ù nàng gùng 27C geh ai rơndeh lòt wơl

Tài gơ rềng bơh mìu sơr jŏ jòng, gùng rơndeh 27C gơl lòt gan kuèl Khánh Lê gơtìp tơrlah tàm 4 anih. Tàm hơ̆, tàm Km41+300, gơl lòt gan xã Sơn Thái, kơnhoàl Khánh Vĩnh, càr Khánh Hòa gơlik geh tơrlah ta luy đah hơđang bơnơm tus tàm mat gùng lơh gơbàn kòl gùng jơh tơn, khà ù lŭ kờp dŭ mờr 9 rbô khối. Chi cục atbồ gùng ù gờl 3.3, Cục atbồ gùng ù gờl sồ 3 neh sồr cau tờm bơcri priă lơh niam gùng lòt ù gờl ai tơrgùm cau lơh broă, phan bơna, măi mok nàng khòm ù lŭ, ai lòt rê wơl. Ală anih lơh broă geh gơnoar tơngkah làng bol lòt gan tềng do pal geh broă ngan ngồn jal mhar, kuơmàng, dilah ờ geh broă lơi kuơmàng den bañ lòt gan gơl gùng do. Trồ tiah gam ờ niam tàm tiah kuèl Khánh Lê, den tàng pơhìn gơlik geh ală bơta chùn, ntiar nisơna bè lŭ dùh, chi pừ.

Cau mblàng K’Duẩn