VOV4.K’ho – Broă Bộ Giao thông Vận tải sồr tơnguh ai pria\ BOT gam geh ua\ jơnau đơs krơi is. Ală cau jak chài đơs là, broă tă bơsong kal ke ai ală mpồl lơh sa kă bro bơcri pria\ rơndap broă lơh BOT in là kươmàng, mơya pal geh ua\ broă lơh mờ pal geh broă rơndap lơh mùl màl. Broă tơnguh khà ai pria\ BOT tàm tơngai tu\ do là ờ hềt dipal. Jat khà kờp bơh Bộ Giao thông Vận tải dê, geh 58 tàm 60 rơndap broă lơh BOT geh pria\ lơh geh ngan ngồn lơyah rlau mờ khà pria\ lơh geh kờp du\ lài tàm broă rơndap lơh pria\ jền. Tàm hơ\, 17 rơndap broă geh pria\ lơh geh ngan ngồn ờ hềt geh 50%.

Kờp tus jơh nam 2019, 45 rơndap broă lơh geh pria\ lơh geh ngan ngồn lơyah rlau mờ khà kờp du\ lài. Nàng dong ală mpồl lơh sa kă bro BOT, Bộ Giao thông Vận tải ai tơlik 2 broă rơndap lơh ai pria\. Broă rơndap lơh sồ 1 là ai gơ noar tơnguh pria\ ai jat sră pơrgon rơndap broă lơh. Broă rơndap lơh sồ 2 là gàr bè ờs khà pria\ ai, mìng tơnguh jat broă rơndap lơh neh ki\ tàm sră pơrgon rơndap broă lơh bơh nam 2022. Mơya dà lơgar pal tă pơgap 5 rbô 80 tơmàn đông dong kờl ală rơndap broă tài ờ hềt geh tơnguh khà pria\.

Cau mblàng K’Duẩn