VOV4.K’ho- Dờp jơnau jà bơh ồng Justin Trudeau, Thủ tướng lơgar Canada dê, bơh ngai 8-10/6/2018, ồng Nguyễn Xuân Phúc, Thủ tướng Chính phủ Việt Nam geh lòt Pơrjum Kuang bàng dờng màng G7 rề ơnàng mờ lòt còp lơgar Canada.

      Ồng Justin Trudeau, Thủ tướng lơgar Canada mờ Thủ tướng lơgar Việt Nam ồng Nguyễn Xuân Phúc

Pơrjum Kuang bàng dờng màng G7 nam do geh tơrgùm tàm uă tơngume, bè: “Sồr lơh ring bal cau klau mờ cau ùr mờ jàu gơnoar cau ùr in”, “Lơh broă bal lơh broă nàng tam dră wơl mờ tam gơl trồ tiah, sền gàr dà lềng dờng mờ bơtàu tơnguh ồs đèng kloh”; “Bơ\t bơtàu dùl dunia ring lơngai mờ ờdo ờdă rlau”…

Tơnơ\ tu\ lòt pơrjum, ồng Nguyễn Xuân Phúc geh lòt còp lơgar Canada. Dơ\ lòt còp geh lơh tàm tu\ tơngai bơta gi\t gơ\p đah Việt Nam mờ Canada lơh geh uă broă bơtàu tơnguh niam ngan bè chính trị lơh broă mờ lơgar ndai, lơh sa- kă bro, lơh broă bal bơtàu tơnguh, bơto bơtê, lòt còp bal đah ală làng bol, kuơmàng 2 lơgar neh tơnguh bơta gi\t gơ\p Lơh broă bal tơl mờ ală bơta tàm lồi nam 2017, di dơ\ lòt còp lơgar Việt Nam bơh ồng Justin Trudeau.

Dơ\ lòt còp lơgar Canada mờ lòt Pơrjum Kuang bàng dờng màng G7 rề ơnàng bơh ồng Nguyễn Xuân Phúc dê pơn jat tai đơs ngan gùng dà broă lơh ờ tu\ lơi tam gơl bơh lơgar Việt Nam dê sùm sền dờng màng bơta gi\t gơ\p lơh bơyô bal, lơh broă bal mờ Canada mờ sồr Lơh broă bal tơl mờ ală bơta đah Việt Nam- Canada; tơnguh bơngă lơgar Việt Nam dê tàm muh mat dunia.

Cau mblàng Lơ Mu K’Yến