VOV4.K’ho - Ngai òr (24/11), tàm Hà Nội mờ Moscow neh bơyai lơh dơ̆ pơrjum pờ tơlik tàm internet dơ̆ 6 bơh Mpồl lơh broă cau lơh broă Việt Nam mờ lơgar Nga. Dơ̆ pơrjum geh ồng Nguyễn Văn Hồi, Thứ trưởng Bộ Lao động Thương binh mờ Xã hội Việt Nam mờ Thiếu tướng ồng Dimitriy Pavlovich Demidenko, Bộ Nội vụ, lơgar Nga đơng lam bal, mờ broă tus bal bơh ala măt ală Bộ, gah lơh broă gơrềng bal bơh bàr lơgar.

Tàm pơrjum, bàr gah neh đơs niam cơ chế pơrjum jăt tơngai mờ pơdar bal mpồl lơh broă, mờ đơs broă geh sùm cồng nha cơ chế do neh lơh geh dùl gah lơh broă bal, cri bơyai bal jơnau tơngit geh cồng nha ờ di tŭ đah bàr anih lơh broă atbồ cau lơh broă tàm jơh bàr lơgar kung bè ală anih lơh broă gơrềng bal bè abồ cau lơh broă ntrờn ơm kis. Bơh tŭ hơ̆, geh jòi gơlik ală broă lơh, broă chồl pràn broă lơh bal lơh broă mờ bơsong ală kal ke gơlik geh tàm broă lơh bal. Bàr gah kung tơrgùm bè broă lơh rơndăp broă Hiệp định hòi jà mờ rơwah geh bơyai lơh làng bol lơgar Việt Nam tus lơh broă geh tơngai tàm ù tiah lơgar Nga.

Cau mblàng Ndong Brawl