VOV4.K’ho- Mho ngai 08/12, tàm Hà Nội, Mpồl cau lơh broă sa dà lơgar Việt Nam pơgồp bal mờ Bộ Nông nghiệp mờ Phát triển Nông thôn bơyai lơh pơrjum pờ tơn tàm internet kĭ Broă lơh pơgồp bal tơnguh broă mblàng yal, bơt bơtàu ƀòn lơgar pa gơ jat bal mờ rơndap tap sèng wơl gah lơh sa suơn sre tơngai bơh nam 2021 tus nam 2025. Đơs tàm dơ̆ kĭ broă lơh, ồng Lương Quốc Đoàn, Chủ tịch Mpồl cau lơh broă sa dà lơgar Việt Nam đơs nền, tàm bơta gơ rềng đah broă lơh sa suơn sre- cau lơh broă sa mờ ƀòn lơgar den cau lơh broă sa là cau tờm, là anih tờm, ƀòn lơgar là bơnàng jă, lơh broă sa suơn sre là bơta pràn pơn jờng.

Bộ trưởng Bộ Nông nghiệp mờ Phát triển Nông thôn ồng Lê Minh Hoan kơp kờñ, pal git loh nùs nhơm mờ bơta kơlôi sơnơng bơh cau lơh broă sa dê, là ală cau tờm mờ là anih tờm bơh tơl broă lơh bơt bơtàu lơh sa- mpồl bơtiàn dê; lơh bè lơi nàng cau lơh broă sa geh tơl pràn jak nàng brồ guh is lơh pas tàm tŭ tơngai lơh sa suơn sre tam gơl bơh lơh sa ờs mờng gơs lơh sa pa, bơta do pal geh jơh bal kuang bàng lơh sa suơn sre mờ cau tàm mpồl cau lơh broă sa tàm kấp hơ đơm pơgồp bal lam lơh.

Cau mblàng K’Duẩn