VOV4.K’ho- Di tơngkah kir sơnrai 45 nam ngai crơng gơs git gơp lơh broă bal Việt Nam- Ethiopia (1976- 2021), Bộ trưởng Bộ Ngoại giao ồng Bùi Thanh Sơn neh cribơyai tàm điện thoại mờ Phó Thủ tướng, Bộ trưởng Ngoại giao Ethiopia ồng Demeke Mekonnen nàng cribơyai bè lơh broă bal đah 2 lơgar mờ pơgồp bal tàm ală dơ̆ cribơyai uă lơgar.

Tàm dơ̆ cribơyai tàm điện thoại, 2 gah neh cribơyai ală broă lơh mờ gùng dà tơnguh lơh broă bal đah 2 lơgar tàm tơngai tus, tàm hơ̆ sền gròi lài ngan tus broă sơlơ tơnguh broă cribơyai mpồl kuang bàng ală kấp tŭ kòp Covid-19 gơtùi sền gròi, sền dờng màng tus rề ơnàng lơhbroă bal lơh sa, kơlôi sơnơng ală cơ chế lơh broă bal kung bè lơh sir jơnau cih adat boh lam nàng kờñ lơh gơlik bơta ƀuơn ai lơh broă bal 2 lơgar in. 2 gah kung cribơyai 2, 3 broă tàm tiah do mờ ală lơgar rềp bal kung bè dunia sền gròi. Bộ trưởng Bùi Thanh Sơn đơs nền, Việt Nam kờñ broă bơsong tơl bơta tam pìt tam phà dunia bơh ală broă lơh ring lơngai jat adat boh lam dunia, di mờ Hiến chương Liên hợp quốc.

Cau mblàng K’Duẩn