VOV4.K’ho- Bè Anih jơnau đơs Việt Nam neh yal, ală càr Tây Nguyên geh dùl ròt sră nggal sồr gơnoar atbồ xã, kơnhoàl, ală sở gah sơnah lơh broă geh gơnoar lơh jat chỉ thị bơh Thủ tướng Chính phủ dê bè sơlơ sền gàr tai brê, kơryan gùng lik mu\t tàm brê geh is; lam lơh jat broă lơh jat chỉ thị sồ 13 nam 2017 bơh Ban Bí thư Đảng Dà lơgar dê bè tơnguh uă gơnoar broă bơh Đảng dê gơ wèt mờ broă lơh sền gàr mờ bơtàu tơnguh brê.
Mơya, mờr bè 100% ală rơndăp broă lơh ai apah brê mờ ală càr neh ki\ ai ală mpồl lơh sa kă bro in, ndrờm geh bơta ờ hềt niam, gơlam tus jơnau gơlời wơl ờ gơtùi pleh klàs là roh brê uă ngan, ai apah brê mờ gơlơh bè ai pà gời. Ală càr neh ai wơl rlau 200 rơndăp broă lơh, mơya ờ go\ cèng wơl bơta kuơ lơi, tài bơh ală bơta ờ niam ndai bal mờ bơta lơh broă ờ jơh kơnòl kung gam pơn jat tai gơlik geh, jơnau roh brê pơn jat tai jo\ jòng.
Mìng dùl bă brê dềt, mờ ơm ngài ờ go\ ngài ir mờ hìu duh broă Ủy ban Nhân dân xã dê, ngài mờ hìu duh broă bơh Ủy ban Nhân dân kơnhoàl kung mìng rlau 10 kơi sồ lơm, mơya tiểu khu 293 gơlơh cèng wơl tus jơh bal gơnoar atbồ xã Cư\ M’lan mờ kơnhoàl Ea Súp in bơta à` ơnòng kơn jơ\ kơn ju\t ngan.
Kuang đơng lam bồ Phòng Nông nghiệp mờ Phát triển Nông thôn kơnhoàl, Chủ tịch UBND kơnhoàl, Bí thư Huyện ủy ndrờm lòt siar jơh ndờl jơng tàm do. Ai UBND xã, sùm 2 nam do, pal ai 4 nă kuang bàng, ngai bàr [ùi lòt sền. Mơya kuang bàng xã dê, dan ờ yal muh mat, đơs là, ờ jai sền gàr geh brê mờ ù tàm rơndăp broă lơh do.
Tàm xã den ờ go\ jai sền gàr geh ờ, a` mìng gi\t đơs bè hơ\ lơm. Neh ngui tơl ală broă lơh sơl. Khi tus lơh aniai jơh tềng hơ\, hơ\ sồng khi cih dùl pang sră cih mờ tê, tăc ai priă.
Ồng Đàm Văn Hà, Chủ tịch UBND xã Cư\ M’lan pà gi\t, xã pal ko\ng kơnòl sền gàr tiểu khu bơh bồ nam 2017, tu\ UBND càr Dak Lak ai wơl rơndăp broă lơh apah brê- tam kau su bơh Công ty TNHH Anh Quốc, mờ tiah do lơh gơlik gơs wơl là [làng ờ niam ngan tài bơh jơnau mus brê, sơgràm ù gơlik geh sùm.
Ồng Đàm Văn Hà kung dờp sơl, xã lơh jat kơnòl broă bơh hơđăng jàu, mơya ờ gi\t lơh bè lơi nàng gơ in geh cồng nha, kung ờ gơtùi sền swì cồng nha, tài bơh khà kờp ngan ngồn bè brê, ù brê tàm rơndăp broă lơh do kung gam ờ hềt geh gi\t sơl.
Xã neh đơs uă dơ\ ngan mờ ală kấp bè sền swì wơl jơnau geh ngan brê mơya gơ do\ jòng tus tu\ do kung gam ờ hềt sền swì geh sơl. Dơ\ 2 là mpồl cau bơh tiah do dê dùl êt nă ngan, ală cau ờ niam sùm tus mus brê, sơgràm ù tàm trồ mang halà ngai rlô halà trồ mìu. Den tàng broă jàu wơl rơndăp broă lơh ai xã in là jơnau kal ke ngan ai xã in.
Ơm ờ ngài ir mờ rơndăp broă lơh pal ai wơl bơh Công ty TNHH Anh Quốc dê là dùl rơndăp broă lơh ai wơl bơh Công ty Phú Riềng Karate dê. Dilah bè rơndăp broă lơh Anh Quốc gam duh hồl tài bơh jơnau mus brê, sơgràm kơ`au ù brê, den jơh ală bơta tàm rơndăp broă lơh Phú Riềng Karate neh geh lơh. 269 lồ brê jàu ai mpồl lơh sa kă bro in neh gơtìp mus jơh, mìng gam wơl rlau 32 lồ lơm.
Do kung là rơndăp broă lơh dùl êt ngan mờ càr Dak Lak kờp sền geh bơta hoàc hươr. Tàm ală rơndăp broă lơh neh ai wơl ndai, khà hoàc hươr kung gam ờ hềt geh kờp sền sơl bulah UBND càr Dak Lak geh jơnau sồr Sở Nông nghiệp mờ Phát triển Nông thôn kờp sền. Jat ồng Đỗ Văn Dũng, Phó Chi cục trưởng Chi cục Kiểm Lâm càr Dak Lak dê yal, broă kờp sền nàng gi\t hoàc hươr kung gam ờ hềt gơtùi lơh sơl là tài bơh priă jền.
Rơndăp broă lơh tu\ mờ ai wơl, càr kung sồr sở kờp sền wơl hoàc hươr. Mơya nàng kờp sền geh den pal geh priă jền nàng lơh. Den bol a` neh yal mờ càr, sồr Sở Tài chính ai priă jền nàng lùp kờp hoàc hươr.
Bè hơ\, jơh ală broă bơh ki\ kơrnoat jàu rơndăp broă lơh ai mpồl lơh sa kă bro tus tu\ ai wơl, jàu wơl ai [òn lơgar in atbồ, Dak Lak neh lơh wih lơh wơl bơta ờ niam tàm broă kờp sền brê.
Lài hơ\, tu\ sơnđờm lơh rơndăp broă lơh, tu\ kờp sền jơh chi che tàm brê, anih lơh broă geh gơnoar ờ jàu tơn ù tiah geh ngan ai mpồl lơh sa kă bro in, nàng mpồl lơh sa kă bro jòi jơnau đơs là brê gơtìp mus tàm tơngai ơm kơ\p jàu. Ồng Nguyễn Hoài Dương, Kuang atbồ Sở Nông nghiệp mờ Phát triển Nông thôn càr Dak Lak đơs bè bơta geh ngan tàm càr bè do.
Tu\ jàu ù jàu brê den geh bal sră nggal kờp sền loh làng bă brê, bơnah chi che geh tàm brê. Mơya, geh uă jơnau, bơh tu\ kờp sền bơta geh ngan do, den pal lơh dùl ròt ală sră nggal. Tus dì tu\ càr geh kơrnoat ai apah ù apah brê den neh gơtìp làng bol sơgràm tam phan, sơgràm ù, neh gơtìp tam gơl uă ngan.
Bè jơnau cih go\ ngan ngồn mờ jơnau cih lài bol a` neh yal, bơta ờ niam dờng ngan rlau jơh là ờ geh dùl kơrnoat lơi bơh Dà lơgar dê sồr mpồl lơh sa kă bro pal tơm wơl tu\ lời roh brê, mơya, ală càr kung gam jàu sơl gi\t nđờ rhiang rơndăp broă lơh, mờ pơgăp 160 rbô lồ brê. Jơnau gơlời wơl là tu\ ală rơndăp broă lơh ờ geh cồng nha, dà lơgar gơtìp roh jơh ală bơta, hơ\ là roh priă jền ai apah ù, mơkung roh tai priă jền tă kờp sền hoàc hươr…
Kờp tàm 3 càr ai apah brê uă ngan rlau jơh Tây Nguyên, Dak Lak gam tìp kal ke tu\ jòi cơng tàng kơrnoat boh lam nàng sồr mpồl lơh sa kă bro tơm, Dak Nông roh gi\t nđờ rbô lồ brê, mơya mìng sồr tơm geh rlau 300 tơlak priă lơm. Lâm Đồng neh geh sră nggal sồr ală mpồl lơh sa kă bro tơm 219 tơmàn, tàm hơ\ geh mpồl lơh sa kă bro pal tơm tus 70 tơmàn.
Mơya, jat ồng Danh Tuyên, Phó Kuang atbồ Sở Nông nghiệp mờ Phát triển Nông thôn càr Lâm Đồng dê đơs, sră nggal do ờ geh kuơ gơ wèt mờ kơrnoat boh lam, den tàng càr pal ơm kơ\p jơnau bơto pơlam bơh dà lơgar dê.
Bè kơnòl tờm là Sở Tài chính pal sồr, bol a` kung sồr sơl. Mơya, kal ke ngan rlau jơh tàm do là hơ\ mìng là dùl sră nggal bè ờs lơm, mờ ờ go\ di là dùl kơrnoat bơsong lơh tìs priă jền. Bơta do den bol a` gam dan mờ Bộ Tài chính, Bộ Nông nghiệp mờ Phát triển Nông thôn geh bal Bộ Tư pháp kung pal bơto pơlam sền swì bơsong jơnau gam gơkòl do bè lơi.
Ờ geh mpồl lơh sa kă bro lơi gơ gơs là mpồl pơneh niam lơh sa geh cồng nha tu\ dờp ală rơndăp broă lơh ai apah brê bơh ală càr Tây Nguyên dê. Sơlơ\u wơl pah nam mat ală rơndăp broă lơh gơtìp ai wơl tài bơh roh uă ir brê, sơlơ gơ do\ jòng tai.
Mơya, bơta jê sồt mờ jơh tơl nă cau ndrờm sền go\ là broă ai wơl rơndăp broă lơh mìng là jơnau mờ ală càr pal lơh, gơ sơnđờm ai dùl dar lơh wih lơh wơl pa, là ờ gi\t bơsong ală rơndăp broă lơh do bè lơi, cau lơi gơtùi sền gàr, bơtàu tơnguh geh brê tàm ală rơndăp broă lơh neh gơtìp mus jơh brê bè do taih?
Cau mblàng Lơ Mu K’Yến
Viết bình luận