VOV4.K’ho- Ngai òr (4-10), đơng lam Pơrjum 30 nam gơ hòi gơ jà priă bơcri bơh lơgar ndai (FDI) tàm Việt Nam mờ tơngume “Bơta sền sơnơng mờ tu\ tơngai pa tàm rài pa” Thủ tướng Nguyễn Xuân Phúc đơs là, ală jơnau đơs tàm pơrjum là gah yal tơng^t jơnau pin dờn nàng Chính phủ in bơt bơtàu ală broă lơh pa, tơnguh gơnoar lơh broă bal bơcri priă lơgar ndai tàm tơngai tus.

Ồng Nguyễn Xuân Phúc đơs ngan, tơn jơh 30 nam do pà go\, broă pờ mpồng gơ hòi gơ jà priă bơcri bơh lơgar ndai là dùl gùng dà broă lơh di pal ngan, neh tă pơgồp bơnah lơh jat uă jơnau kờ` bơtàu tơnguh lơh sa- mpồl bơtìan kuơ màng bơh dà lơgar dê. Tus tu\ do, neh geh rlau 26.500 rơndap broă lơh tus bơh 129 lơgar mờ tàm ù tiah, hơ pơrgon bơcri rlau 334 tơmàn dolar Mỹ tàm lơgar Việt Nam. Tus nam 2017, tiah bơcri priă bơh lơgar ndai geh mờr 20% GDP; tă pơgồp mờr 1 bơnah 4  kờp jơh priă bơcri bơtàu tơnguh gùt mpồl bơtìan; 70% priă lơh geh bơh tăc phan mờ lơgar ndai…

Tàm dơ\ pơrjum, Thủ tướng sồr ală Bộ, gah sơnah lơh broă, gơnoar atbồ ală tiah tơrgùm lơh gơtùi jơnau mờ ală cau bơcri priă sùm kờ` là: Gàr niam kơ\ kơl jap chính trị mpồl bơtìan, kơ\ kơl jap lơh sa dờng. Lơh gơs tơngume adat boh lam gơ rềng tus bơcri priă. Pơn jờng, dong kờl mpồl lơh sa kă bro tàm lơgar tam klăc bal lơh sa, tàm tơrbo\ bal, pơgồp bal priă bơcri tàm ală rơndap broă lơh ngui công nghệ cao, công nghệ pa, công nghệ dong kờl…

Tàm dơ\ pơrjum, bơh bơta sền go\ bơh Thủ tướng Chính phủ dê, ală tiah, mpồl lơh sa kă bro, cau bơcri priă neh jàu ală sră nggal lơh broă bal bơcri priă.

Cau mblàng K’Hạnh