VOV4.K’ho- Ngai òr 8/11, tàm thị xã Gia Nghĩa, geh lơh dơ\ pơrjum cribơyai đah kuang đơng lam bồ 2 càr: Dak Nông (Việt Nam) mờ Mondulkiri (Campuchia) bè broă tơnguh mpồng nhàr lơgar Dak Peur (Việt Nam) mờ Nam Lyr (Campuchia) bơh mpồng nhàr lơgar tờm gơ gơs mpồng nhàr lơgar dunia.

Tàm ală nam do, broă lơh cau lòt rê mờ kă bro phan bơna mờ lơgar ndai tàm yô mpồng nhàr lơgar do sùm gơguh. Bè bơh bồ nam tus tu\ do neh geh pơgăp 13.500 nă cau lòt rê mờ lơgar ndai gan mpồng nhàr lơgar do; priă geh bơh kă bro phan mờ lơgar ndai gan mpồng nhàr lơgar geh rlau 205 tơlak dolar Mỹ.

Broă tơnguh mpồng nhàr lơgar do ờ mìng lơh geh tơl ală bơta bơtàu tơnguh tiah nhàr lơgar mờ gam pơgồp bơnah dong bơtàu tơnguh lơh sa mpồl bơtiàn bơh 2 càr dê.

Bàr càr neh lam lòt sền ù tiah geh ngan mờ dan mờ chính phủ 2 lơgar dê ring bal ai gơnoar tơnguh mpồng nhàr lơgar Dak Peur (Việt Nam)- Nam Lyr (Campuchia) bơh mpồng nhàr lơgar tờm gơ gơs mpồng nhàr lơgar dunia.

Cau mblàng Lơ Mu K’Yến