VOV4.K’ho - Lồi poh lài, tàm kơnhoàl Cư Mgar, càr Dăk Lăk, Mpồl tam klac cau ùr dà lơgar Việt Nam pơgồp bal mờ Ngân hàng Dà lơgar, Ngân hàng Nông nghiệp mờ Phát triển Nông thôn bơyai lơh Cribơyai “Tơnguh tai ală broă lơh ai càn priă ai cau ùr in pơgồp bơnah kơryan jơh jơnau càn priă sa priă cồng uă đah bơdìh”.

Ală gùng dà broă lơh rcăng sơndră lài, kơryan jơh jơnau geh ngan càn priă sa priă cồng uă đah bơdìh tàm ù tiah càr dê, ală gùng dà broă lơh rề ơnàng ai càn priă drơng lơh sa mờ ngui sa nàng kờ` kơryan càn priă sa priă cồng uă đah bơdìh neh geh bơyai tus tàm dơ\ cribơyai do.

Jơnau yal tàm dơ\ Cribơyai do pà go\, Broă lơh càn priă sa priă cồng uă đah bơdìh tàm ù tiah càr Dăk Lăk dê gam ngai sơlơ gơlik geh kal ke, hoài pơn jat bal ală jơnau gơlời wơl ờ niam ngan bè lơngăp lơngai, ờdo ờdă, lơh gơlik bơta ờ suk tàm mpồl bơtiàn.

                                              Mò Bùi Thị Hòa đơs tàm dơ\ cribơyai

Cau ai càn priă jat bè đại lý phơng sih sơnơm tu ngui tàm broă lơh sa, drơng broă prăp ing gời phan càn priă sa priă cồng uă, dan tơn jo\ tai tơngai ai càn mờ ngân hàng, kă bro dềt rah rài…; sră nggal ai càn priă, blơi dồs ờ duh pal geh pơgơl mờ phan bơna, gùng dà kờp priă cồng, tơm dồs uă bơta, [ươn [oài.

Bơh tơrgùm kờp dùl êt bơh ală anih lơh broă geh gơnoar dê, tu\ do tàm ù tiah càr Dăk Lăk geh pơgăp 40 mpồl tàm càr mờ bơh càr dê ai càn priă, blơi dồs phan. Kờp bơh nhai 10/2018 tus nhai 1/2019 pa do, Kuang àng càr Dăk Lăk neh tam dră, jòi bàn, mờ kơryan jơh 24 mpồl bal mờ 91 nă cau lơh broă ai càn priă sa priă cồng uă đah bơdìh.

Bè ală jơnau gơlam tus jơnau geh ngan làng bol, ngan là oh mi cau ùr gơ tơmu\t tàm kai càn priă sa priă cồng uă đah bơdìh, mò Bùi Thị Hoà, Phó Kuang atbồ Mpồl tam klac cau ùr dà lơgar Việt Nam, pà git:

Jat a` kơlôi, jơnau bơh sơnrờp lơh gơlik jơnau geh ngan do ngan là bơh jơnau gi\t wa\ kơrnoat boh lam bơh oh mi cau ùr dê bè broă càn priă tàm ngân hàng, bè ală bơta pal jat bơh kơrnoat boh lam dê bơh ngân hàng dê bè ală broă lơh nàng lơh geh priă jền ai he in là ờ hềt wil tơl.

Dùl bơta ndai tai kung là jơnau gơlam tus jơnau geh ngan càn priă sa priă cồng uă đah bơdìh hơ\ ngan là ală sră nggal, ală broă ai càn priă bơh bol he dê ờ hềt tus geh mờ làng bol, dùl bơnah là tài bơh làng bol ờ hềt gi\t wa\ jơh ală bơta niam tàm gùng dà broă lơh, dùl bơnah tàm hơ\ geh ală jơnau sồr nàng geh càn priă do kal ke ngan, tàm tu\ làng bol kờ` ală bơnah priă càn sơrbac mhar tơn mơya ờ hềt geh bơsong geh.

Dùl jơnau dơ\ pe tai là geh ală bơta ờ go\ sền gròi krà` tàm anih lơh broă atbồ dà lơgar dê lời broă lơh ai càn priă sa priă cồng uă đah bơdìh do geh sùm lơh gơlik ală jơnau gơlời wơl kal ke ngan tàm tiah [òn lơgar.

                                                          Anih cri bơyai

Tàm dơ\ cribơyai, ală oh mi cau ùr geh iat yal bè gùng dà broă lơh bơh càn priă sa priă cồng uă đah bơdìh dê, gùng dà broă lơh rcăng sơndră lài, kơryan jơh jơnau càn priă sa priă cồng uă đah bơdìh tàm ù tiah càr dê, ală gùng dà broă lơh rề ơnàng càn priă drơng lơh sa mờ ngui sa nàng kờ` kơryan jơnau càn priă sa priă cồng uă đah bơdìh.

Nàng kơryan jơnau geh ngan càn priă sa priă cồng uă đah bơdìh, tàm tơngai pa do, càr Dăk Lăk neh lam lơh dùl ròt uă gùng dà broă lơh bè, lơh pràn broă mblàng yal nàng kờ` tơnguh uă jơnau gi\t wa\ ai làng bol in bè càn priă sa priă cồng uă đah bơdìh; yal tơngi\t làm uă ală bơnah priă ai càn ờ sa priă cồng uă, ală kes priă dong kờl bơh Dà lơgar dê nàng làng bol càn priă; Ală mpồl cau, mpồl lơh broă chính trị sơlơ pơgồp bal mờ ală ngân hàng nàng dan mờ ngân hàng ai cau ùr in càn priă. Mơkung lơh pràn ală broă lơh jòi ku\p, kơryan ală cau lơh tìs bè ai càn priă sa priă cồng uă, kung bè ală broă lơh lùp dồs apah tìs mờ kơrnoat boh lam.

                                                  Ală oh mi cau ùr tàm dơ\ cribơyai

Jat Thượng tá Nguyễn Văn Quý, Phó Kuang atbồ Phòng PC45, Kuang àng càr Dăk Lăk dê đơs, gùng dà broă lơh niam ngan rlau jơh nàng kơryan jơh broă lơh càn priă sa priă cồng uă đah bơdìh là dà lơgar pal geh gùng dà broă lơh dong kờl nàng làng bol in gơtùi càn geh priă bơh ngân hàng dê [ươn [oài rlau:

Ală gùng dà broă lơh nàng kơryan jơnau càn priă sa priă cồng uă đah bơdìh den bol a` neh yal mờ Mpồl kuang atbồ in dan đơng lam bal mờ mpồl rcăng sơndră cau lơh tìs bơh càr dê nàng sồr ală ban, gah mpồl cau pơgồp bal mờ Kuang àng tàm broă rcăng sơndră ai càn priă sa priă cồng uă đah bơdìh.

Bè gùng dà broă lơh niam ngan rlau jơh den dà lơgar pal geh gùng dà broă lơh lơi hơ\ nàng sồr ngân hàng geh gùng dà dong kờl nàng ai tơl bơta ai ală cau bè cau lơh broă sa, cau kă bro dềt, cau bơsram dờng in gơtùi [ươn [oài geh càn priă jat di jơnau sồr bơh kơrnoat boh lam dê.

Gùng dà broă lơh tai là jat jơnau sồr bơh kơrnoat boh lam gam geh ngui tu\ do dê nàng bơto pơlam ală anih lơh broă lùp khàu yal yă nàng bơsong loh làng broă lơh ai càn priă sa priă cồng uă, tài bơh bơta tờm bơh càn priă sa priă cồng uă đah bơdìh dê là broă lơh kă bro broă làng bol dê. Den tàng là pal lơh bè lơi hơ\ nàng tơnguh bơta lơh glài uă rlau nàng pơgồp bơnah tàm broă rcăng sơndră lài mờ kơryan, pơhìn jơnau geh ngan do.

Cau mblàng Lơ Mu K’Yến