VOV4.K’ho- Tŭ do, trồ tơngai duh uă ngan mờ ro kơnrañ geh tàm uă tiah, ngan là tiah tàm gùl lơgar, bơta pơhìn ồs sa brê uă ngan tàm uă tiah, uă bă brê gam ơm tàm khà tơngkah lài ồs sa brê kấp 4, kấp 5 (kấp ngòt rơngơ̆t mờ ngòt rơngơ̆t ngan).

Nàng rcang lài ồs sa brê, Bộ trưởng Bộ Nông nghiệp mờ Phát triển Nông thôn ồng Lê Minh Hoan geh Công điện sồ pơyoa gơnoar atbồ ală tiah in sồr đơng lam lơh bàr pe kơnòl broă jal mhar bè tơnguh ală broă lơh jal mhar rcang sơndră ồs sa brê. Ngan ngồn, sồr Ủy ban Nhân dân ală kấp mờ ală anih lơh broă geh gơnoar lơh jat niam kơnòl broă atbồ bè broă lơh rcang sơndră ồs sa brê, tơnguh broă lòt sền, sền gròi bè rcang sơndră ồs sa brê, sền do là kơnòl broă tờm; Sền gròi mpồl cau lơh broă, rơndeh rơndồ măy mok, phan bơna, priă jền nàng lơh jat niam jơnau đơs “4 tơn dùl bă tiah” tàm pà bal mpồl cau lơh broă jơh ngai mờ mang tàm jơh kàl prang; di tŭ sền gĭt tiah ồs sa, hòi jà ală mpồl lơh broă tus bal kơryan mờ gơ sơ̆t ồs sa brê tàm tŭ jiơ lơyah ngan rlau jơh, bañ lời gơlik geh ồs sa dờng.

Cau mblàng K’Hạnh