VOV4.K’ho- Drim ngai 17/11, tàm Hà Nội, Đại sứ ala măt lơgar Nhờk tàm Việt Nam ồng Takio Yamada mờ mò Rana Flowers- Kuang ătbồ mpồl ala măt Kes priă Kơnòm dềt Liên hợp quốc (UNICEF) tàm Việt Nam neh kĭ Công hàm tàm pơgơl “Rơndăp broă lơh tơnguh tai bơta pràn kong jai rềs àr trồ tiah lơh aniai mờ tam gơl trồ tiah ai kơnòm dềt in”.

Rơndăp broă lơh do bơh Chính phủ Nhờk dê dong kờl bơh Kes priă UNICEF tàm Việt Nam, kờp priă là 5 tơlak 700 rbô đolar Mỹ ai tơngai bơh nam 2021- 2026 in. Tàm tơngume rơndăp broă lơh geh bơto bơtê ai kơnòm dềt, hìu bơnhă mờ mpồl bơtiàn in ală jơnau gĭt wă, bơta chài kuơmàng nàng sơndră wơl mờ tam gơl trồ tiah mờ trồ tiah lơh aniai tàm tiah tàm gùl lơgar mờ tiah ring dà dờng Cửu Long, tàm hơ̆ geh 9 rbô nă kơnòm dềt geh lơh niam wơl ală broă bè dà mờ sàng kloh, mờ 10 rbô nă kơnòm dềt hơđơm 5 sơnam geh sac rwah rơgai ờ tơl pràn mhar kơn jơ̆ nàng gơtùi geh ală broă dong kờl di tŭ tàm nam 2025.

Cau mblàng Lơ Mu K’Yến