VOV4.K’ho- Drim do, 10/6, tàm Hà Nội, Bộ Nông nghiệp mờ Phát triển Nông thôn bơyai lơh pơrjum pờ tơlik tơn tàm internet bè gùng dà broă lơh tơnguh uă cồng nha tơnhào, lơh gơlik, tăc phan tàm dà nam 2021. Bulah kong gơrềng bơh kòp Covid-19, nam 2020 broă lơh tơnhào kung gam lơh niam geh gơguh, khà gơguh lơh sa phan tàm dà mờ kờp jơh khà phan tàm dà nam 2020 gơguh pơndrờm mờ nam 2019, mờ 3 tơlak 850 tấn; priă lơh geh bơh tăc mờ lơgar ndai là 8 tơmàn 600 tơlak dolar Mỹ, tàm hơ̆ phan tàm dà tơnhào geh 3 tơmàn 200 tơlak dolar Mỹ.

Jat jơnau đơs bal, kòp Covid-19 pơn jat tai gơlik geh kal ke, gah tam pà phan bơna tàm dà gơ tìp kơryan tàm uă drà kă bro tăc mờ lơgar ndai; giá tăc phan tàm dà gơmù; jơnau tơng kah “sră rơmĭt” bơh Ủy ban châu Âu dê ờ hềt geh tă bơsong pơn jat tai gơrềng ờ niam tus broă lơh tăc mờ lơgar ndai phan tàm dà là ală bơta kal ke mờ gah ròng phan tàm dà gam pal kong.

Cau mblàng K’Hạnh