VOV4.K’ho- Jơnau yal bơh Văn phòng Quốc hội dê, tàm dơ\ pơrjum dơ\ 26 mu\t pơrjum drim do 8/8, Ủy ban Thường vụ Quốc hội geh sền swì mờ ai jơnau đơs 8 rơndăp lơh adat mơya ờ geh Adat Tiah lơh sa krơi is.

Pơn jat hơ\, geh ală rơndăp lơh adat, tàm hơ\ geh: Adat Bơto bơtê (tam gơl); Adat tam gơl, bơtơl bàr pe bơta bơh Adat Bơto bơtê đại học; Adat Ròng phan; Adat Tam phan; Adat Kuang àng làng bol (tam gơl); Adat Toh glài (tam gơl); Adat Rơcang, sơndră sa kuề sa kùa (tam gơl) mờ Adat Kiến trúc.

Bè hơ\, tàm dơ\ pơrjum do, Ủy ban Thường vụ Quốc hội geh ờ go\ sền swì, ai jơnau đơs bè rơndăp lơh Adat Tiah hành chính- lơh sa krơi is Vân Đồn, Bắc Vân Phong mờ Phú Quốc (Adat Tiah lơh sa krơi is). Do là rơndăp lơh adat neh geh Quốc hội tam gơl tơngai ring bal bơh pơrjum dơ\ 5 tus pơrjum dơ\ 6 (digơlan geh lơh tàm nhai 10 tus), nàng geh tai tu\ tơngai kơlôi sơnơng, pơn jat tai iat kơno uă ngan ală jơnau đơs geh nùs nhơm bơ\t bơtàu, geh kơnòl, dipal bơh ală kuang bàng Quốc hội dê, ală kuang bàng kăc màng dờng sơnam, cau mờng chài, cau jak mờ làng bol dê, lơh gơs rơndăp cih adat nàng gơ in geh cồng nha niam ngan rlau jơh.

Bơdĩh 8 rơndap lơh adat geh cribơyai tàm pơrjum dơ\ 26, bơta pal đơs ngan là Ủy ban Thường vụ Quốc hội kung sền gròi tơngume “Broă lơh jat chính sách, adat boh lam bè atbồ, ngui priă bơcri lơgar ndai, tơngai bơh nam 2011 tus nam 2016” mờ bơyai lơh broă lơh lùp mờ hơ jơnau lùp.

Bộ trưởng Bộ Kuang àng, ồng Tô Lâm, Chủ nhiệm Ủy ban Dân tộc, ồng Đỗ Văn Chiến geh hơ jơnau lùp tàm dơ\ pơrjum do. Tơngai lùp mờ hơ jơnau lùp là tàm 1 ngai mờ kung gam ngui broă lơh tam gơl pa broă lùp mờ hơ jơnau lùp. Jat hơ\, Kuang bàng Quốc hội đơs jơnau lùp pal lơyah, đơs loh jơnau kờ` lùp, ờ rlau 1 phút pah dơ\ lùp. Tơnơ\ hơ\ cau geh lùp hơ tơn jơnau lùp bơh kuang bàng dê.

Dilah kuang bàng ờ hềt di nùs mờ jơnau hơ, den gơtùi ngui [àng nàng cih mat cribơyai tàm dơ\ lùp jơnau tàm Quốc hội, tơngai lùp mờ hơ jơnau lùp tu\ cribơyai lơyah rlau.

Cau mblàng Lơ Mu K’Yến mờ K’Duẩn