VOV4.K’ho - Càr Kon Tum là tiah mpồng đah tô Tây Nguyên dê. Tàm ală nam tam lơh mờ ling lơgar Mỹ sò tơm, tiah do là tiah tam lơh cui rơcai bơh ling lơgar he mờ ling lơgar Mỹ.

45 nam tơnơ\ mờ tu\ neh tơnklàs jơh đah jum dà lơgar tơrgùm bal, càr Kon Tum ngai sơlơ lơh ngan sơrlèt mờ kal ke kờ` brồ guh.

45 nam tơnơ\ mờ tơnklàs jơh tiah đah jum dà lơgar tơrgùm bal mờ tơnơ\ mờ 5 nam crơng gơs, kơnhoàl tiah nhàr dà lơgar Ia H’ Drai càr Kon Tum neh geh ală broă tam gơl pràn.

                        Lơh ồs đèng tus tàm tiah nhàr dà lơgar Ia H’ Drai

Bơh tiah tam lơh mờ brê bơnơm klăp klê, Ia H’ Drai tu\ do neh gơs tiah tam cao su mờ bă ù ơnàng tus tu\ do 24 rơbô lồ. Mờ bơta trồ tiah kal ke ngai trồ tơngai duh bè ồs, mang ni sơna mrềt noăt là bơta ngòt rơngơ\t ngan bơh mpồl ling sơgràm phà lài do, tu\ do neh geh ală cau rồ ù lơh sa, đềt mềr mờ ù tiah do mờ gơs bơta pràn.

Ồng Trương Ly, Chủ tịch Hội đồng thành viên, Công ty TNHH MTV Cao su Chư Mom Ray, là cau neh tus bal tam ală tòm cao su sơnrờp ngan tàm ù tiah do pà g^t:

-Tu\ mờ tòm cao su geh tam tàm do tus tu\ do neh rơlao 10 nam, tòm cao su hòn gơs niam. Bơta niam suơn cao su di lah pơn drờm mờ tàm càr, tàm Tây Nguyên den kung mờr ndrờm bal. Geh ală tơngu me. Dùl là bơta bè trồ tiah.

Dơ\ bàr là ù tiah. Dơ\ pe là bơta `hoa. Cơng tàng tai là khà geh lơh gơguh rơhời bơh nam còr bơsơ\t. Công ty geh ală suơn còr nam dơ\ 3, dơ\ 4 cồng nha neh geh là 1 tấn 700 k^ tus 1 tấn 800 k^ bơsơ\t tàm 1 lồ mờ lơh ngan geh 2 tấn tàm 1 lồ.

Bơh dùl tiah bơnơm klăp klê gời mờ bă ù ơnàng rơlao 98 rơbô lồ, gùng lòt mìng geh gùng ù, lòt ngài kơh bơnơm mờ kal ke tai, gùng lòt tus Ia H’ Drai tu\ do neh geh lơh, den tàng broă lòt rê kung [uơn ngan. Bal mờ gùng 14C lòt jăt tiah nhàr dà lơgar rềp mờ lơgar Campuchia, gùng bơh kơnhoàl Sa Thầy lòt tus gam tàm tơngai bơcri priă lơh gơs, bơh kơnhoàl Ia H’ Drai lòt mờ rê tus càr Gia Lai kung [uơn ngan sơl.

   Làng bol tàm [òn lơh ka tiah nhàr dà lơgar Ia H’ Drai neh geh rài kis ring niam

Tu\ do tàm kơnhoàl, gùng tus 3 xã: Ia Dom, Ia Tơi mờ Ia Đal neh geh dă mờ cài mờ bêtông tơrbo\ bal mờ gùng lòt sền gròi tiah nhàr dà lơgar [uơn ngan tàm broă lơh sa mờ kă bro. Bal mờ gùng lòt, gùng che ồs đèng, dà sàng geh bơcri priă lơh niam wơl neh tơn jơh broă ờ tơl ồs đèng, dà ngui sa tàm ală [òn tiah ngài in. Bi Hà Văn Yết, kis tàm [òn 1, xã Ia Đal, do là xã geh gùng nhàr dà lơgar rềp mờ lơgar Campuchia chờ hờp đơs:

-Ồs đèng lài do geh 10 hìu du^ che ồs đèng ờ pràn ngan. Ngui tàm rài kis bơta lơi kung kal ke mờ phan ngui ồs đèng ờ pràn kung [uơn ngan gơtìp ờ niam.

Tu\ do, geh đah Điện lực lơh gùng che ồs đèng tus tơl hìu geh dùl nơm jơ was ồs đèng is, den đèng geh pràn rơlao, mờ tàm broă ngui tàm hìu nhă kung ờ hoan gơtìp aniai ală bơta phan rơlao.

Là tiah mìng tam tòm cao su, tềng đăp mờ khà priă bơsơ\t cao su gơmù uă, kờ` gàr niam rài kis, làng bol tàm kơnhoàl Ia H’ Drai neh tam geh 4 rơbô lồ phan tam geh bơta kuơ tàm broă lơh sa uă; tơnguh bơtàu broă ròng rơpu, kơnrồ, sur, iar rơlao 41 rơbô rơbô nơm; tơnguh bơtàu broă ròng phan tàm dà tàm tơnao dà hìu măi pờ tơl^k ồs đèng; lơh gơs 20 hìu lơh sa, Hợp tác xã kă bro uă gah broă…

Kơnờm mờ hơ\, den tàng pah nam kơnhoàl gơmù geh bơh 5 tus 6% khà hìu rơ[ah, uă rơlao mờ khà gơmù rơ[ah bal càr Kon Tum dê. Là dùl tàm 29 hìu làng bol lơh sa tàm tơnao dà tus bơh uă tiah krơi is, bơh tàm bơta ờ geh sră hộ khẩu, ờ geh ù lơh sa, ơm kis sùm tàm tơnao dà hìu măi pờ tơl^k ồs đèng Sê San 4 tu\ do neh geh ơm kis kơ\ dùl bă tiah, sền ù tiah kơnhoàl Ia H’ Drai là [òn lơgar dơ\ bàr, bi Nguyễn Văn Triều, kis tàm xã Ia Tơi ngoh rơngăc đơs:

-Go\ rài kis làng bol tơnguh bơtàu uă rơlao mờ tàm [òn lơgar tòm. Kung kơnờm mờ Đảng, gơnoar atbồ càr Kon Tum đơs bal, kơnhoàl dong kờl jơh nùs a` in lơh geh hìu tam klăc bal. Go\ là bol geh rài kis kung iang nùs chờ hờp. Wil tơl ngan làng bol dê bloh. Do bè là [òn lơgar dơ\ bàr bloh.

Bal mờ broă ai tơl bơta [uơn kờ` broă lơh sa mpồl bơtiàn tơnguh bơtàu, Đảng bộ mờ gơnoar atbồ kơnhoàl Ia H’ Drai kung sền kuơ tàm broă gàr niam bơta lơngăp lơngai dà lơgar bơh broă bơ\t bơtàu mpồl ling pràn kơl dang pơgồp bal mờ broă sền gàr bơta lơngăp lơngai ờ do ờ dă tàm làng bol…

Tàm kơnhoàl Ia H’ Drai, jơh ală công nhân lơh broă tàm ală nông, lâm trường pah nam geh bơtơl, bơsram tàp bơta ngăc ngar jăk chài bè broă sền gàr dà lơgar, mờ ndrờm là cau lơh broă bal mpồl ling sền gàr tiah nhàr dà lơgar, kuang àng dê.

Lơh jăt nền nòn nùs nhơm bơ\t bơtàu Đảng là kơnòl tòm, bơh 3 chi bộ mờ 65 nă cau geh đảng, Đảng bộ kơnhoàl Ia H’ Drai neh geh 23 mpồl đảng mờ 510 nă cau geh đảng mờ gùt kơnhoàl ờ gam geh [òn ờ geh mpồl cau geh đảng.

Ồng Nguyễn Hữu Thạch, Bí thư Huyện uỷ, Chủ tịch UBND kơnhoàl Ia H’ Drai yal bè ală gùng dà broă lơh dờng kơnhoàl dê tàm tơngai tus kờ` pơn jăt tai tơnguh uă rài kis làng bol:

-Bol a` ai broă sơnrờp ngan kuơ màng ngan là bơ\t bơtàu mpồl kuang bàng công chức, viên chức geh tơl pràn, tơl ngăc ngar tàm broă đơng lam, bơta pràn tàm broă lơh jăt, nùs nhơm đềt mềr, di pal mờ broă dong kờl rài kis làng bol ngai sơlơ tơnguh bơtàu.

Dơ\ bàr là kơnhoàl geh pơgồp bal mờ ală anih lơh broă tàm càr jòi geh ală anih lơh sa kă bro kơlôi sơnơng kờ` lơh bơsơ\t cao su. Hơ\ sồng hòi jà bơcri priă kờ` tơnguh bơta geh tàm tơnao dà hìu măi pờ tơl^k ồs đèng Sê San 4. ròng phan tàm dà. Lơh ală anih, tiah nhơl chờ.

45 nam tơnơ\ mờ ngai tơnklàs jơh đah jum, dà lơgar tơrgùm bal mờ tơnơ\ mờ 5 nam ngai crơng gơs kơnhoàl, ù tiah nhàr dà lơgar Ia H’ Drai mờ gar phào gar [ồm bal mờ brê bơnơm klăp klê lài do tu\ do neh geh dùl bă ù tơlir niam bơh tòm chi sa plai.

Anih lơh broă sră nggal kơnhoàl Ia H’ Drai geh bơcri priă lơh niam, neh cèng geh rùp rài bơh dùl tiah drà nhàr dà lơgar. G^t prăp gàr bơta kuơ bơh bơta ring lơngai, Đảng bộ, gơnoar atbồ, ling klàng bal mờ làng bol kơnhoàl Ia H’ Drai gam lơh ngan pah ngai kờ` pơn jăt tai tơnguh bơtàu broă lơh sa mpồl bơtiàn mờ sền gàr kơl jăp gơnoar tòm ù tiah bal mờ bơta lơngăp lơngai tiah nhàr dà lơgar dê.

Cau mblàng Ndong Brawl