VOV4.K’ho - Drim òr (14/5), Thủ tướng Chính phủ Nguyễn Xuân Phúc tus pơrjum tơnkah 50 nam ngai crơng gơs Học viện Cảnh sát Nhân dân (15/5/1968-15/5/2018) mờ dờp khà pơn jờng Anh hùng lực lượng vũ trang nhân dân rài tam lơh mờ Mỹ tơnklàs dà logar.

Đơs tàm dơ\ pơrjum, ồng Nguyễn Xuân Phúc đơs loh, lơgar Việt Nam là 1 lơgar khin cha jăk chài, deh geh ală cau kòn lơh kuang àng khin cha jăk chài pràn kơl dang.

Tàm tam lơh, ală cau ling kuang àng neh khin cha jăk chài, ngăc ngar, tam lơh pha lin ală mpồl cau pơlơ\ dră sơgràm dà lơgar. Tàm rài lơngăp lơngai den sền gàr adăt boh lam, sền gàr bơta lơngăp lơngai chính trị mờ niam ờ do ờ dă mpồl bơtiàn, sền gàr màng kis bal mờ phan bơna, gơnoar bal bơta kuơ di mờ adăt boh lam làng bol in, cèng wơl rài kis lơngăp lơngai làng bol in.

Ala măt kuang bàng đơng lam Đảng, Dà lơgar, ồng Nguyễn Xuân Phúc neh jào khà pơn jờng Anh hùng Lực lượng vũ trang nhân dân rài tam lơh mờ Mỹ tơnklàs dà lơgar ai Học viện Cảnh sát nhân dân in.

Cau mblàng Ndong Brawl