VOV4.K’ho - Pơn jăt tai ngai lơh broă dơ\ 2, Pơrjum dơ\ 7 Ban Chấp hành Đảng dà lơgar khoá12 cribơyai tàm hìu pơrjum bè rơndăp broă tơrgùm bơ\t bơtàu mpồl kuang bàng ală kơnă, tàm hơ\ uă ngan là kơnă kuơ màng geh tơl nùs nhơm niam, bơta pràn mờ bơngă pin dờn, ndrờm bal mờ kơnòl.

Tàm dơ\ cri bơyai, geh uă jơnau đơs tơrgùm mblàng tàm broă sền wơl kuang bàng. Đơs là do là broă kuơ màng, là cơng tàng, tơngu me tòm kờ` lơh jat ală broă kuang bàng pơn jăt tai.

Di lah sền wơl kuang bàng tìs lơh gơbàn broă ngui kuang bàng tìs, mờ tàm mùl màl den broă sền wơl kuang bàng gam uă bơta ờ di pal. Den tàng, broă sền wơl kuang bàng pal jăt broă lơh bơh uă bơta, lơh sùm.

Bè broă tam dră mờ broă blơi gơnoar broă, blơi gơnoar atbồ, geh jơnau kuang bàng đơs là, pal geh cơ chế sền gròi cau lam bồ. Cau lam bồ pal lam lài, lơh ngan ba` lời gơbàn cau ndai pơrlồm. bơdìh hơ\ tai, anih lơh broă atbồ kuang bàng pal geh ală kuang bàng lam lài mờ sùm geh kơnòl bơh cau công chức dê.

Pơrjum dơ\ 7, Ban Chấp hành Đảng Dà lơgar khoá XII geh gal ngan làng bol, kuang bàng mờ cau geh Đảng tàm càr Dak Nông sền gròi. Ồng Nguyễn Thanh Quang, là cau geh Đảng, ơm tàm sơnah [òn Nghĩa Phú, thị xã Gia Nghĩa, càr Dak Nông đơs là, sac rwah di cau lam bồ den geh lơh tam gơl dờng màng ngan gơ wèt tus mờ broă lơh kuang bàng:

 “Bơh lài do, Bác Hồ neh geh jơnau đơs pơn yơu, cau kuang bàng, cau lam bồ bè là ală cau lam bồ pe\ đờng teh kơl`i sơl, den tàng bè hơ\, gơnoar broă bơh cau lam bồ dê là dờng màng ngan. Dilah bol he lơh niam geh broă do, den bol he geh lơh niam geh dùl broă bè broă lơh kuang bàng”.

Tơngu me rơndăp broă “Lơh niam priă nhai gơwèt mờ kuang bàng, công chức, cau lơh broă sa priă nhai, cau ling bal mờ cau lơh broă tàm anih lơh sa kă bro” tàm pơrjum Dà lơgar 7, gam geh dờp uă jơnau sền gròi bơh gal làng bol kis tàm càr Gia Lai.

Ồng Nguyễn Trinh, kis tàm [òn dờng Pleiku, càr Gia Lai đơs là, rơndăp broă geh ai broă kờp priă nhai jăt gơnoar broă lơh mờ jào kes priă nhai ai ală anih lơh broă là ală bơta niam, dong kờl tơnguh cồng nha lơh broă, drơng kuang bàng, công chức, cau lơh broă sa priă nhai mờ cau lơh broă in:

-Priă nhai lơgar he dê ờ uă ngan, ờ hềt di pal mờ broă lơh bơh kuang bàng, công chức, cau lơh broă sa priă nhai. Broă lơh niam wơl priă nhai, tơl anih lơh broă geh kes priă nhai bơh tơl anih lơh broă hơ\ dê, anih lơh broă gơtùi đơng lam broă lơh di mờ gơnoar broă lơh bơh tơl cau lơh broă, kuang đơng lam tàm anih lơh broă. Hơ\ là broă lơh pa.

Tài kuang bàng đơng lam anih lơh broă gơtùi sền ală broă lơh di pal mờ bơta pràn kuang bàng kờ` tơm priă nhai di pal. Tơmù biên chế, mờ lơh niam priă nhai geh chồl pràn broă kuang bàng drơng niam rơlao broă lơh.

Cau mblàng Lơ Mu K’Yến