VOV4.K’ho- Lơgar Triều Tiên kơ\p kờ` geh lơh broă bal mờ lơgar Việt Nam tàm gah viễn thông mờ ală phan bơna công nghệ ngac ngar. Do là jơnau đơs bơh ồng Ri Su Yong, Phó Chủ tịch Ban chấp hành Đảng Lơh broă lơgar Triều Tiên, mơkung kuang atbồ Mpồl dunia bal mờ kuang bàng dờng màng ala mat bơh lơgar Triều Tiên dê lòt còp mờ lơh broă tàm anih kơlôi sơnơng, lơh gơlik phan ngui măy mok gah broă làng bol bơh Tập đoàn Công nghiệp Viễn thông Ling klàng Viettel tàm mho òr 28/2.

Tàm Viettel, mpồl kuang bàng dờng màng ala mat bơh lơgar Triều Tiên dê neh lòt còp Tiah tờm đơng lam gùng che điện thoại gùt plai ù, là tiah să tờm gròi sền mờ pơlam ngui lam lơh ală viễn thông mờ măy mok yal tơngi\t jơnau tàm Việt Nam, mơkung dong kờl, bơto pơlam bơta chài măy mok ai 10 công ty viễn thông lơgar ndai in.

Gơlơh kờ` ngan mờ ală phan bơna măy mok bơh Viettel dê, tàm dơ\ lơh broă, ồng Ri Su Yong đơs sùm, kơ\p kờ` tơnơ\ dơ\ lòt còp dơ\ do geh ală tu\ tơngai ndai nàng tìp mat, lơh broă bal tàm ală gah broă lơh do mờ Viettel.

Cau mblàng Lơ Mu K’Yến