VOV4.K’ho-Tàm ală nam do broă bơsram lơh jat nùs nhơm bồ tơngoh, rài kis mờ broă lơh ơnà jak Hồ Chí Minh dê tàm ală mpồl ling lơh broă tàm càr Kon Tum ngai sơ lơ geh lơh uă ngan. Bơh broă bơsram mờ lơh jat rài kis mờ broă lơh ơnà jak Bác Hồ dê, kuang bàng, cau ling, ală mpồl lơh broă geh bơta tam gơl uă tàm bơsram, tàp pràn kơl dang să jan, tơnguh ơnà chính trị, nùs nhơm niam mờ ơnà kac màng, pơgồp bơnah lơh jai pha broă lơh bơt bơtàu mờ sền gàr Dà lơgar.

            Trung đoàn Bộ binh 990- Mpồl đơng lam ling klàng càr Kon Tum dê, là dùl mpồl ling pơnrơ ngan tàm srơh  broa\ lơh do.

            Là mpồl lơh broă tờm ngan tàm mpồl ling phào crong càr Kon Tum dê, Trung đoàn Bộ binh 990- Mpồl đơng lam ling làng càr Kon Tum, geh kơnòl broă tờm là bơto pơlam mờ rcang lài tam tu\ tam lơh. Nàng lơh gơs  kơnòl broă neh jàu, Đảng uỷ Trung đoàn lơh jat nền nòn Chỉ thị 05 bơh Bộ Chính trị dê, bè chồl pràn broă bơsram lơh jat nùs nhơm bồ tơngoh, rài kis mờ broă lơh ơnà jak Hồ Chí Minh dê tàm gùt mpồl.

Trung tá Phạm Như Huân, Phó Kuang atbồ Trung đoàn, Tham mưu trưởng Trung đòan Bộ binh 990, pà g^t:

            Cau ling pa mut ling uă ngan là cau kòn cau. Broă đơs tus bơsram mờ lơh jat nùs nhơm bồ tơngoh, rài kis mờ broă lơh ơnà jak Hồ Chí Minh dê là dùl bơta pa ngan. Tu\ cau ling pa mut tàm mpồl, den mờ uă ngan broă lơh Trung đoàn neh ring bal jơnau tơng^t tàm dơlam is, yal tơnggit mờ bơto bơtê jơnau tơng^t bè să tờm mờ rài kis Bác Hồ dê.

Bơh broă bơsram, ală dơ\ cri tơr`a broă lơh ngai sơlơ lơh bal tàm ală dơ\ pơrjum bơto ală cau ling in git bè ală jơnau yal, bơta pơnrơ bè Bác Hồ, kuơ màng ngan là ală jơnau đơs wa dê gơ wèt mờ mpồl ling phào crong bè nùs nhơm tam klăc, bơta jơh nùs bơsong kal ke tàm tu\ lơh kơnòl broă nàng ai cau ling in g^t wă rlau tai srơh bơsram mờ lơh jat nùs nhơm broa\ lơh  ơnà jak Hồ Chí Minh dê.

             Nàng broă bơsram mờ lơh jat nùs nhơm bồ tơngoh, rài kis mờ broă lơh ơnà jak Hồ Chí Minh dê gơ gơs rềp mềr mờ kuang bàng, cau ling in mờ kuơ màng ngan là cau  pa mut ling, Trung đoàn 990 lơh bal jơnau mblàng yal tơng^t tàm ală dơ\ pơrjum bơh mpồl dê mờ pơgồp bal mờ broă lơh ngan ngồn. Kơnờm bơh hơ\, den tơl nă kuang bàng, cau ling g^t wă loh rlau tai bè ală tơngume tờm, bơta kuơ màng bơh nùs nhơm bồ tơngoh, rài kis mờ broă lơh ơnà jak Hồ Chí Minh dê, bơh hơ\ nàng bơsram mờ lơh jat.

            Tàm ală tu\ tơngai duh uă ngan, tàm tiah tàp ling Trung đoàn Bộ binh 990 dê, kuang bàng, cau ling tàm mpồl do dê jơh nùs pơlam tàp. Tơnơ\ tu\ kuèng mờ broă lơh nham sền cuh phào, jùt dà kơhề hơđang bồ, binh nhì Trần Trí Bảo, Trung đoàn Bộ binh 11, Đại đội 3, Tiểu đoàn 304, pà g^t: dơ\ sơnrờp lòt ngài mờ hìu bơnhă, kung là dơ\ sơnrờp geh g^t bè dùl bơta kờ` gơboh ndai, hơ\ là bơta kờ` gơboh cau tàm mpồl bal mờ nùs nhơm tam klăc bal, lơh jat adat tàm mpồl ling klàng:

            Ală ngai sơnrờp mut tàm mpồl ling, a` kung bè ală cau ling ndai sơl, ờ hềt kuèng mờ trồ tơngai duh mờ broă lơh pơlam tàp tàm mpồl ling uă ngan. Bơh hơ\, ờ uă bơyô gơbàn kòp nggù, mơya geh kuang bàng ală kơnă sùm dong kờl, mờ dong a` kung bè ală cau ndai lơh ngan sơrlèt gan kong trồ tơngai duh mờ jai mờ trồ mìu. Den tàng bol a` neh jơh nùs ngan bơsram, tus bal dơ\ bơto pơlam sền cuh phào mờ tàp pràn să jan mờ điều lệnh. Neh rlau dùl nhai bơto pơlam, a` kung bè ală cau ling ndai go\ ală bơta pràn kơl dang uă ngan tàm să jan mờ g^t wă bơta jak chài rlau mờ lài.

            Mìng tơnơ\ dùl nhai mut tàm mpồl ling, geh tàp pràn să jan mờ bơsram tàm tiah ling klàng, jơh ală cau ling Trung đoàn Bộ binh 990 – Mpồl đơng lam ling klàng càr Kon Tum dê ndrờm gơ lơh pràn kơldang mờ git lơh jat kơrnoat uă.

            Là dùl tàm uă tơngume lơh jat broă lơh mờ rài kis ơnà jak Bác Hồ dê, broă sơlơ tơnguh lơh sa, tơnguh bơta niam phan sa pah ngai, gàr niam mpồl ling pràn drơng broă pơlam tàp tàm mpồl ling rcang lài dơ\ tam lơh tàm Trung đoàn Bộ binh 990 dê geh cồng nha uă ngan.

Tu\ do phan ròng dờng bơh mpồl dê geh rlau 400 nơm; iar ơda mờr 1 rơbô nơm, 3  tơnao  dà ròng ka pah nam ai tơnhào pơgap 14 tấn ka; suơn tam bia\p, plai do pah nam lơh geh g^t nđờ jơ\t tấn. Binh  nhất Lê Thanh Nam, trung đội drơng ơla, Tiểu đoàn 304 pà g^t, Bác Hồ là pơnrơ niam ngan tàm broă lơh sa. Să tờm Wa dê tê at wơu po\ ù, tam biăp geh cồng nha uă ngan. Bơsram đòm jat Bác Hồ lơh broă sa nàng g^t tai jơnau g^t wă mờ geh tai bơta chờ hờp:

            Bơsram mờ lơh jat ơnà jak Bác Hồ dê, oh mờ ală cau tàm mpồl ling ndai tàm mpồl lơh broă pah ngai sơngka sền gàr biăp, bùm, plai do, tuh dà pah ngai nàng drơng rài kis mpồl ling in. Bơh hơ\, să tờm oh dê kung bơsram uă bơta chài bè tơnguh lơh sa mờ drơng broă tàm rài kis pah ngai. Dùl ngai pơlam tàp bòl glar bơh  tàm tiah tàp ling rê, den bol oh lơh broă jơng tê kung chờ hờp uă ngan. Ală oh mi tàm do, lơh broă ndang boh  bơr ndang, den  tàng  lơh broa\ ờ git bòl glar mờ tam klăc bal mờ oh mi tàm mpồl ling.

            Tàm trung đoàn Bộ binh 990- Kuang đơng lam ling klàng  càr Kon Tum, broă lơh jat nùs nhơm bồ tơngoh, rài kis mờ broă lơh ơnà jak Hồ Chí Minh dê geh bơyai lơh dùl bă ờs mờng bơh ală broă lơh ngan ngồn tàm rài kis pah ngai.

Thượng uý Nguyễn Văn Tịnh, Chủ nhiệm kỷ thuật, Trung đoàn 990 boh bơr:

            Kuang bàng, cau ling Trung đoàn Bộ binh 990 đơs bal mờ Kuang bàng cau lơh broă mpồl kỹ thuật Trung đoàn đơs is sùm lơh ngan bơsram, lơh ngan tàp pràn să jan lơh jat nùs nhơm, rài kis mờ broă lơh  ơnà jak Bác Hồ dê. Hơ\ là ală nùs nhơm tryang tryồng, g^t kơrhia, jak chài, jơh nùs mờ lơh broă tềm pềr, den tàm nam pa do Mpồl kỹ thuật Trung đoàn neh lơh niam broă lơh  dong broa\ ai Đảng uỷ in, Mpồl đơng lam Trung đoàn lơh jat niam ală gah bơh broă lơh kỹ thuật dê

            Thiếu uý Đặng Văn Hùng, Drơng broă hậu cần, Trung đoàn 990, đơs bè do:

            Gơ wèt mờ gah lơh broă hậu cần tàm mpồl ling klàng bol a` dê, tàm nam kung neh lơh jat niam ngan srơh pơrlòng Gah lơh broă hậu cần lơh jat jơnau Bác Hồ dê bơto bơtê mờ dơ\ lam sồr atbồ quân nhu niam, sền gàr niam, ngui kơljap, ờ do ờ dă mờ tềm pềr. Gàr niam mờ tơl làm jơnau kờ` ai jơh ală cau ling in lơh kơnòl broă sùm  bè ờs mờ kơnòl broă nisơna ndai. Bơ dìh mờ hơ\ tai, gàr kloh niam ờ do ờ dă phan sa. Gàr niam mpồl ling  pràn kơl dang să jan nàng mpồl ling in lơh ngan broă lơh bơsram tàp.

Cau mblàng K’ Hạnh