VOV.K’ho - Bal mờ bơta lơh ngan bơh mpồl cau bác sĩ dê, phan bơna Ngui Măi mo\k yal tơngi\t jơnau lơh phần mền atbồ broă lơh hìu sơnơm xã tàm ù tiah càr Dăk Lăk dê (MMS.Net) neh sơrlèt gan rlau 600 phan bơna tus bal pơrlòng bơh gi\t nđờ jơ\t dà lơgar mờ kơnhoàl ù tiah tàm dunia dê ai geh Gai lòng Biàng tàm Ràng tơlik Dunia bè Jak chài mờ Măy mok (SIIF 2018) geh lơh tàm lơgar Hàn Quốc.

Mơya, bơta pal đơs rlau tai là phan bơna do gam dong gah Lơh sơnơm ngui geh cồng nha mpồl cau lơh broă mờ làng bol tàm tiah sar lơgar ngài geh tam tìp mờ broă drơng kham sơm kòp niam ngan rlau jơh tàm anih tơn.

Bác sĩ CKII ồng Doãn Hữu Long, atbồ tơngume kơlôi sơnơng jak chài bơh phần mền Ngui măy mok yal tơngi\t jơnau lơh phần mềm atbồ broă lơh bơh hìu sơnơm xã dê tàm ù tiah càr Dăk Lăk (MMS.Net) pà gi\t: Tàm bơta geh ngan, broă ngui măy mok yal tơngi\t jơnau mìng geh lơh tàm bàr pe hìu sơnơm kơnhoàl, càr - tiah geh uă priă jền tă bơcri lơh phan bơna măy mok mờ mpồl cau lơh broă rơ\ ru, bồ tơngoh lơh broă ờs mờng jak chài ngan.

                    Bác sĩ CKII ồng Doãn Hữu Long cribơyai mờ ală cau tàm mpồl lơh jơnau kơlôi sơnơng jak chài

Tàm tu\ hơ\, tàm ală hìu sơnơm xã, sơnah [òn, phan bơna, mpồl cau lơh broă ờ uă, ờ hềt geh sền gròi wil tơl. Bơta do, geh lơh tus broă lơh atbồ tìp uă kal ke. Lài ngan, là ờ geh phan ngui yal lài nàng căng tiah kòp bơtờp; Bơdìh hơ\ tai, broă kờp du\ mờ bơsong sră nggal yal mờ tê roh uă ngan tu\ jiơ, bơh hơ\ gơlam tus uă broă lơh sơnơm gơtìp gơrềng mờ hoàc hươr uă priă jền.

Jơnau kơlôi sơnơng jak chài “Ngui Măy mok yal tơngi\t jơnau lơh phần mềm atbồ broă lơh hìu sơnơm xã tàm ù tiah càr Dăk Lăk dê” (mat phan bơna lơh gơs cih lơyah là http://mms.net) crơng gơs tài bơh jơnau hơ\.  

“Geh bơta bơta geh ngan, dơ\ dùl là ală hìu sơnơm kơnă hơđơm kờ` pal geh phan ngui nàng dong kuang bàng lơh sơnơm in mu\t lơh gơnoar broă kham sơm kòp kung bè cau atbồ lơh broă lơh atbồ mờ kuơmàng nàng làng bol in geh tam tìp mờ broă kham sơm kòp tàm tơngai êt ngan rlau jơh.

Tàm tu\ hơ\, lơh sơnơm kơnă hơđơm, kuơmàng là hìu sơnơm xã ndrờm bè ală cau bơcri priă kung bè cau atbồ ờ hềt sền gròi nàng geh phần mềm jơh ală bơta ai hìu sơnơm xã in mu\t lơh broă lơh kham sơm kòp.

Dơ\ pe tai là tu\ do ờ hềt geh dùl gùng dà broă lơh măy mok yal tơngi\t jơnau ndrờm bal nàng bơtòm tơrgùm nàng dong ai ală anih lơh sơnơm in mu\t lơh dùl ròt bal. Ngan den tàng bè hơ\ mờ mpồl atbồ hơ\ sồng geh gùng dà broă lơh là ngui ală phan mềm jơh ală bơta atbồ lơh sơnơm [òn lơgar”.

Sơrlèt gan rlau 4 nam lơh tơrlòng lài, lơh niam wơl mờ ai ngui ngan ngồn, phần mềm MMS.Net neh gơ gơs là dùl phần mềm lơh gơs bal mờ phan Uă gah- uă bơnàng jă geh tơl pràn lơh geh jơh ală jơnau sồr bơh măy mok tus atbồ, ai ngui ală anih lơh sơnơm. Tu\ do, MMS.Net phan lời ai Hìu sơnơm xã in neh ngan ngồn geh jàu tus 185 Hìu sơnơm xã mờ 15 hìu sơnơm kơnhoàl tàm ù tiah càr dê in.

    Kơnờm bơh ngui MMS.NET, ală kuang bàng lơh sơnơm kơnă hơđơm neh cih yal ală sră nggal khà sồ sơrbac mhar mờ dipal rlau

Tàm Hìu sơnơm sơnah [òn Tân Lợi, [òn dờng Buôn Ma Thuột, broă ngui phần mềm MMS.Net dùl ròt bal broă lơh yal tơngi\t tơrgùm kờp lơh sơnơm, tàm tơrbo\ bal sră nggal tơm priă bảo hiểm y tế, atbồ sơnơm, atbồ ci\t sơnơm rcăng sơndră kòp neh dong kuang bàng mờ cau lơh broă bơh hìu sơnơm dê tềm pềr geh uă ngan tu\ jiơ tu\ lơh gơnoar broă he dê.

Bi Hà Thị Dung, kuang bàng drơng broă gah sơnơm tơm ba tàm hìu sơnơm do pà gi\t: Lài do, mờ broă lơh mờ tê, pah dơ\ kờ` tơrgùm kờp lơh sră yal pal roh tus jơh dùl poh tơn hơ\ sồng lơh gơs. Ai tu\ do, jat tàm phan ngui neh geh lài, mìng kờ` pơgăp 30 phuk tus 1 jiơ là neh gơtùi lơh gơs sră yal.

“Tàm tu\ ai ngui phần mềm MMS.Net do tàm broă kham sơm kòp đơs bal mờ broă atbồ sơnơm tơm ba đơs is den gơ ờ huan roh uă tu\ jiơ. Lài do, lơh mờ tê den pal kờp du\, geh tu\ là roh tus 5, 6 ngai den hơ\ sồng lơh gơs sră yal ai tu\ do den he mìng gơtùi lơh pơgăp 30 phuk tus 1 jiơ là neh lơh gơs. {ươn ngan, lờih ngan tàm tu\ tơngai, cau kòp kung ờ duh pal ơm kơ\p sơl”.

Gơ wèt mờ Hìu sơnơm sơnah [òn Thành Công, [òn dờng Buôn Ma Thuột, bơh tu\ ngui phần mềm MMS.Net tàm broă lơh bơh hìu sơnơm dê bơh nam 2016 tus tu\ do, bơdìh mờ ală bơta [ươn tàm atbồ kham sơm kòp, sơnơm tơm ba, tơrgùm kờp khà sồ, broă tàm tơrbo\ bal gròi sền gi\t tơm priă bảo hiểm y tế mờ sră nggal cih kham sơm kòp geh rcăng lài cih yal sơrbac mhar ngan, neh lơh tơrmù tu\ jiơ ơm kơ\p, tơnguh bơta niam nùs mờ gơhòi gơ jà cau tus mờ hìu sơnơm ngai sơlơ uă rlau. Bác sĩ Đỗ Minh Hải, Phó Kuang atbồ Hìu sơnơm sơnah [òn Thành Công yal:

“Phan mềm MMS.Net geh ai ngui bơh tàm nam 2016, bơh tu\ ai ngui phần mềm do den kung sền go\ gơ [ươn ngan tàm broă kham sơm kòp, atbồ cau kòp, cau kòp tu\ lòt jham ờ go\ gơtìp hăt hal ir cau, atbồ mơkung ai sơnơm niam ngan. Tàm ală tu\ atbồ ală cau là kơnòm dềt tàm khà ci\t sơnơm rcăng sơndră kòp kung geh lơh niam ngan sơl”.

Ờ go\ di mìng gơ ơm wơl tàm cồng nha lơh geh bơh sơnrờp lơm, tơnơ\ tu\ jơnau kơlôi sơnơng jak chài geh sền swì, ai ngui mpồl cau tờm lơh jơnau do bal mờ ală anih lơh broă drơng lơh jơnau kơlôi sơnơng do neh pơn jat tai kơlôi sơnơng bơtàu tơnguh phan bơna, kờ` lơh geh niam ngan ală jơnau sồr atbồ bơh anih kham sơm kòp dê mờ bơtàu tơnguh ngui tàm uă bơnàng jă krơi is, tơnguh bơta [ươn mờ bơta niam phan bơna.

       Bác sĩ CKII ồng Doãn Hữu Long (cau ơm tàm gùl) bal mờ ală cau lơh broă bal geh chờ hờp geh jờng rơ tàm ràng tơlik dunia

Tus tu\ do, MMS.Net neh bơtàu tơnguh bơtòm tơrgùm lơh gơs ală phan ngui ai hìu sơnơm xã in; phan ngui ai hìu sơnơm kơnhoàl in mờ phan ngui bơtòm tơrgùm jat gùng dà tàm tơrbo\ ală anih lơh sơnơm, geh tơl pràn lơh jat di uă kơnă hìu sơnơm, uă bơnàng jă.

Mờ phan do kung gam gơtùi pờ ơnàng bơtòm tơrgùm dong cau điều dưỡng, y tá gơtùi cih yal jơnau yal sền gàr mờ sơm kòp cau kòp in tàm jơnờng piam kòp, bác sĩ gơtùi sền swì wơl kơrnoat lơh sơnơm mờ sră dờp sơnơm bơh tàm jơnau yal tơngi\t lơh broă tàm điện thoại, măy tính bảng. Bác sĩ CKII ồng Doãn Hữu Long là cau tờm atbồ jơnau kơlôi sơnơng jak chài do pà gi\t tai:

“Gùng dà broă lơh bal do, làng bol geh sền gi\t geh ală jơnau yal bè bơto bơtê pràn kơldang să jan bơh ală jơnau yal tơngi\t bè cih mat yal kòp, dong kờp bơto pơlam sền gàr pràn kơldang să jan bơh ngài, kham kòp bơh ngài dong làng bol geh tam tìp mờ ală broă lơh kham sơm kòp dùl bă sơrbac mhar ngan rlau jơh, geh cồng nha ngan rlau jơh bal mờ bơta niam den geh lơh niam ngan.

Dơ\ bàr tai là kuang bàng lơh sơnơm den geh sền gi\t ală jơnau yal tơngi\t gơrềng tus kham sơm kòp, yal bè sơnơm tơm ba kung bè dong ai tơngkah lài tàm ală tu\ kham kòp sơm kòp, dong kờl ală bơta bè tàm yal tơngi\t bal jơnau kung bè gi\t geh kòp neh geh bơh lài bơh cau kòp dê nàng dong ai broă kham kòp gơ in mhar mờ dipal rlau.

Dong ai cau atbồ in nàng tơrgùm kờp lơh sră yal, bơsong sră nggal cih khà sồ kung bè lơh ală bảng sră pơlam dong cau atbồ geh gùng dà broă lơh nàng atbồ mpồl lơh sa kă bro he dê”.

Phần mềm MMS.Net tu\ do neh geh ai ngui tàm rlau 300 anih kham sơm kòp tàm lơgar Việt Nam bal mờ priă tă lơyah rlau pơgăp 30% pơndrờm mờ ală gùng dà broă lơh kă bro ndai. Gơ wèt mờ gah broă lơh atbồ Lơh sơnơm kơnă hơđơm, dilah ngui phần mềm MMS.Net kờp du\ tơl càr, [òn dờng tềm pềr geh pơgăp 22 tơmàn pah nam.

Bal mờ ală gơnoar broă bơh dùl ròt ală anih lơh sơnơm ngac ngar dê, phần mềm MMS.Net ờ mìng pơgồp bơnah lơh tam gơl muh mat bơh gah Lơh sơnơm dê mờ gam lơh geh uă khà jờng geh bal tàm lơgar mờ dunia, bè: Khà pe tàm dơ\ pơrlòng Bơceh lơh Jak chài mờ Măy mok Việt Nam (ờ geh khà dùl mờ khà 2); khà pơn jờng “Lơh sơnơm ngac ngar”; geh Mpồl ală phần mềm mờ drơng broă Măy mok Yal tơngi\t jơnau Việt Nam (VINASA) jàu pà khà jờng Sơma` Khuê mờ pa do ngan rlau jơh là lơh geh Gai lòng Biàng tàm Ràng tơlik Dunia bè Jak chài mờ Măy mok (SIIF 2018) geh lơh tàm nhai 12/2018 tàm lơgar Hàn Quốc.

Cau mblàng Lơ Mu K’Yến