VOV4.K’ho – Bộ Công thương pa lơh pơrjum pờ tơlik tơn tàm internet nàng kờ` pơlam mờ hơ ală jơnau cih bè tơl khà tac hờ lơgar ndai ai ală mpồl lơh sa kă bro lơh chèu glòm muh mat mờ bìai in.

Tài chèu glòm muh mat là phan pa geh ală mpồl lơh sa kă bro tà` mai lơh, den tàng ua\ mpồl lơh sa kă bro gơtìp ua\ ngan kòl yan nàng gơtùi geh sră dờp tơl khà do.

Bộ Công thương pà git, tus jơh nhai 4, gùt lơgar neh tac hờ lơgar ndai rlau 400 tơlak nơm chèu glòm muh mat, tàm hơ\ ua\ ngan là chèu glòm muh mat lơh mờ bìai dră khuẩn. Bulah bè hơ\, mờ pràn jak lơh gơlik mờr 200 tơlak nơm chèu glòm muh mat pah nhai, broă mhar lơh jat ală jơnau sồr bè bơta niam geh là tu\ niam nàng ală mpồl lơh sa kă bro in chồl pràn broă tac hờ lơgar ndai.

Broă lơh jat ală tơl khà kỹ thuật ờ mìng là bơta đơs nền bơh bơta niam phan lơh gơs dê, mờ gam là sră pơ àr geh cồng nha ngan nàng jun chèu glòm muh mat tac hờ lơgar ndai dùl bă [ươn [ùai tus ală drà kă bro geh ală jơnau sồr kal ke bè EU, Mỹ.

Cau mblàng K’Duẩn