VOV4.K’ho – Ngai òr (10/5), Tam klac ală mpồl Khoa học mờ Kỹ thuật càr Dak Lak pơgồp bal mờ Trung tâm kơlôi sơnơng Lâm nghiệp nhiệt đới, Trung tâm kòn bơnus mờ tiah ơm kis Việt Nam bơyai lơh cribơyai “Kac màng công nghiệp 4.0: Tu\ [uơn, bơta lòng tàm broă lơh sa suơn sre mờ tac phan lơh gơs bơh suơn sre tàm Tây Nguyên”. Tiah Tây Nguyên geh mờr 2 tơlak lồ ù bazan gơs niam ngan, geh mờr 60% khà ù bazan bơh gùt lơgar dê, gơ kờ` ngan mờ uă bơta chi tam công nghiệp. Do là tiah tam uă kơphe, tiêu bơh gùt lơgar dê. Tàm hơ\, bă ù tam kơphe rlau 580 rbô lồ, cồng nha lơh geh mờr 1 tơlak 400 rbô tấn, tiêu rlau 71 rbô lồ, cồng nha lơh geh rlau 120 rbô tấn.

Ală bơta phan do bulah khà tac hờ lơgar ndai uă ngan tàm dunia, mơya uă  ngan là ờ hềt lơh gơlik phan bơna, bơta kuơ lơh geh ờ uă, ờ hềt gơtùi rơcang lài ai tơlik khà priă mờ tề lam drà kă bro. Pơrjum neh cribơyai ờ uă broă lơh ngui kỹ thuật pa tàm broă lơh gơlik phan bơh suơn sre, đơs tus tu\ [uơn mờ bơta lòng, bơta niam bơh broă lơh sa suơn sre dê tàm rài kac màng công nghiệp 4.0; gơnoar broă bơh ală anih lơh broă dà lơgar, mpồl lơh sa kă bro, ală cau khoa học tàm broă dong kờl làng bol lơh broă sa ngui công nghệ 4.0, gơnoar broă bơh làng bol lơh broă sa dê tàm broă ngui ală gơguh jak khoa học kỹ thuật.

Cau mblàng K’Duẩn