VOV4.K’ho- Ală ngai do, dơ\ lơh chờ kơphê Buôn Ma Thuột dơ\ 7 nam 2019 geh lơh tàm [òn dờng Buôn Ma Thuột, càr Dak Lak, gơ hòi gơ jà bơta sền gròi bơh làng bol, mpồl lơh sa kă bro mờ năc nhơl chờ rềp ngài. Uă ngan broă lơh dờng bơh dơ\ lơh chờ kơphê neh geh bơyai lơh bè: sơn đờm mut ngui Gùng sră- kơphê, dơ\ lơh chờ gùn drà, yal cồng nha dơ\ tàm pơrlòng kơphê bơkah pơn rơ Việt Nam, Drà ràng tơlik gah lơh kơphê, Ràng tơlik rài kah yau jơh bal kơphê tàm dunia, ràng tơlik ală dơ\ lơh yàng, dơ\ lơh chờ bơh yau bơh ală jơi bơtìan kòn cau tàm tiah do dê mờ ràng tơlik rùp 44 nam pha lin Buôn Ma Thuột- ală broă lơh kah yau. Ală broă lơh pa bơh dơ\ lơh chờ dơ\ do neh gơ hòi gơ jà bơta sền gròi lơh geh tềl tơngo\ niam mờ năc nhơl chờ rềp ngai.

Tàm khà do, gùng sră- kơphê là phan lơh pa, dơ\ sơn rờp geh tơlik mat tàm dùl dơ\ lơh chờ. Dùl gùng dềt tàm sơne\ 6 tiah tờm [òn dờng neh gơ gơs tiah lơh chờ, tiah tơrgùm bơta niam chài rơgơi sền sră, bơta niam chài rơgơi kơphê mờ bơta niam chài rơgơi bơh yau Tây Nguyên dê, geh uă ngan cau kờ`, ngan là ală rơnàng kơnòm să:

 Do là tiah nhơl chờ niam ai cau kơnòm să in, ngan là ală cau kờ` mờ broă sền sră bè a`. Halà ală cau ờ geh tơl priă jền den gơtùi mut tàm do sền sră. Mờ jơh bal kơphê tàm do kung bơkah ngan sơl.

 Oh go\, do là tiah prap uă ngan bơta g^t wă tơrgùm dềt. Tơl nă cau ndrờm gơtùi mut tàm do sền sră. Oh neh sền sră gah ne, ală sră bè trồ tiah, sền gơ lơh di ngan.

Sơn đờm mut ngui Gùng sră kơphê Buôn Ma Thuột 

Drà ràng tơlik gah lơh kơphê, dùl tàm ală tơngume tờm tàm sùm ală dơ\ lơh chờ, tus dơ\ do kung geh bơta krơi is sơl, hơ\ là bè tiah bơyai lơh. Broă geh lơh tàm Bảo tàng Dak Lak mờ Biệt điện Bảo đại, lơh aniai uă ngan tus ală chi che bơh yau mờ `nhơ\t, tu\ do den neh geh ờ gam lơh tai bơta do.

Gùng sră kơphê- geh lời wơl 10 nam ai Buôn Ma Thuột in

Rlau 800 cơl du\ ràng tơlik bơh 230 mpồl lơh sa kă bro tàm lơgar mờ lơgar ndai, ndrờm geh lơh tàm gùng sồ 72 Nguyễn Tất Thành, dùl tiah lời wơl kah yau kuơ màng ndai bơh Buôn Ma Thuột dê, tiah ơm rlô ndu\t ndơl bơh bàp Thuột cau  atbồ [òn là ai mat nàng sơn đan [òn dờng kơphê in tu\ do.

Kuơ màng, dơ\ sơn rờp, Dak Lak neh lời dùl ròt ală cơl du\ ai mpồl cau sơn đờm lơh broă bơh càr dê. Bi Nguyễn Bá Đạo, dùl Startup ơm tàm kơnhoàl Krông Năng đơs là, do là càr neh ai tu\ tơngai niam mờ kuơ màng nàng ală startup tơlik mat ală phan bơna kuơ màng ngan bơh he dê.

Do là dơ\ kuơ màng uă ngan tài bơh jơh ală bơta lơi niam ngan rlau jơh bơh Tây Nguyên dê ndrờm geh tơrgùm tàm do. Do kung là dơ\ nàng ală startup yal tơng^t rùp să, phan bơna bơh he dê tus jơh bal mờ năc tus sền tàm dơ\ lơh chờ do.

Măng sơn đờm mut lơh dơ\ lơh chờ kơphe niam ngan 

Dơ\ lơh chờ kơphê Buôn Ma Thuột geh lơh bơh ngai 9 tus ngai 16/3. Mờ tơngume “ Tơrgùm bơta niam bơne\ ngan brê bơnơm dờng ơning ơnàng dê”, dơ\ lơh chờ kơphê là dơ\ nàng Dak Lak in tơngo\ jơh ală bơta niam ngan rlau jơh bơh tiah do dê, ngan là gah lơh kơphê. Gơlơh bè uă làng bol tàm càr, Ùr hàng niam hoàn vũ Việt Nam 2018, H’Hen Niê, là oh kòn bơh [òn lơgar Rơđê dê, oh kòn bơh cau lơh broă sa tam kơphê tàm Dak Lak, kơ\p kờ` dơ\ lơh chờ kơphê Buôn Ma Thuột là anih kơl dìng nàng càr in bơtàu tơnguh tai, ngan là bè gah lơh kơphê. 

Kơnờm dơ\ lơh chờ kơphê, oh kơlôi kơphê Dak Lak neh bơtàu tơnguh uă ngan, dong kơphê Buôn Ma Thuột geh tơl nă cau tàm dunia g^t uă rlau tai. Oh pin dờn ngan là, bơh dơ\ lơh chờ kơphê neh dong cau lơh broă uă rlau tai, dong khi g^t wă là broă kuơ màng bơh he dê tàm broă tam kơphê là he neh lơh gơlik phan bơna. Kơ\p kơnờm cau lơh broă sa geh sền gròi uă rlau tai bè broă lơh lơh gơlik phan bơna kơphê bơkah mờ ờ do ờ dă ai cau ngui in.

Hô hâng dơ\ lơh chờ gùng drà

 Kuơ màng tàm dơ\ lơh chờ kơphê dơ\ do, bơtàu tơnguh kơphê bơkah pơn rơ geh ai cribơyai. Tàm dơ\ pơrjum cribơyai “ Bơtàu tơnguh kơphê bơkah pơn rơ Việt Nam” ală cau mờng chài gah kơphê tàm ală lơgar bè: Nhờk, Indonesia, Malaysia neh cribơyai bè kơphê tu\ do, bơta mờng chài bơtàu tơnguh kơphê bơkah pơn rơ; drà kơphê bơkah pơn rơ mờ ală bơta gơ rềng bơh broă lơh lơh gơlik tus lơh sa mờ ma\y mok kơphê bơkah pơn rơ mờ khà priă tăc.

Bộ Nông nghiệp mờ Phát triển Nông thôn, Tơrgùm ală mpồl kơphê Ca cao Việt Nam mờ ală Viện khoa học kỹ thuật, mpồl lơh sa kă bro tàm lơgar kung cribơyai bè ală gùng dà broă lơh tơnguh priă lơh geh bơh kơphê Việt Nam, broă lơh lơh gơlik kơphe gar bơkah pơn rơ, bàr pe jơnau đơs bơtàu tơnguh kơphê bơkah pơn rơ Việt Nam.

Rềp mềr mờ chi kơphê bơh dềt, H'hen pơnìơ să ngan tu\ să tờm geh tă pơgồp dà kơl hề nàng yal tơng^t rùp hin kơphê Buôn Ma Thuột  

Tàm dơ\ sơn đờm mut lơh, Phó thủ tướng thường trực Chính phủ ồng Trương Hòa Bình đơs niam ngan ală tă pơgồp bơh gah lơh kơphê dê tàm bơta bơtàu tơnguh lơh sa dà lơgar. Phó Thủ tướng thường trực Chính phủ ồng Trương Hòa Bình sồr:

Càr Dak Lak mờ ală càr geh tam kơphê kòp sền wơl broă bơtàu tơnguh gah lơh kơphê jat gùng dà broă lơh drà kă bro dunia mờ gàr tơl ală bơta lơh sa kơ\ kơl jap, lơh pràn rơndap sèng wơl ai gah lơh kơphê in gùng dà broă lơh bơtàu tơnguh lơh sa dờng, tơrgùm pơgồp bal mờ broă prap gàr, lơh gơlik mờ tăc phan, pơn jờng mờ gơ hòi gơ jà bơcri priă bơh cau dùl nă să is mờ tam pa wơl kơphê.

Sơlơ tơnguh ngui khoa học công nghệ, kuơ màng là công nghệ cao nàng kờ` tơnguh bơta niam, tơrmù priă jền mờ di pal mờ broă tam gơl trồ tiah. Pơn jờng bơtàu tơnguh kơphê bơkah pơn rơ Việt Nam mờ bơta niam là kơphê dờng màng geh bơta bô bơkah krơi is geh jờng rơ jat bơta tơl khà Dunia nàng di pal mờ jơnau kờ`, broă ngui bơh dunia dê mờ tơnguh priă lơh geh ai chi kơphê in ngan là tơnguh priă lơh geh tơn ai cau tam kơphê in.

H'hen sùm kơ\p kờ` gơtùi cèng bơta bô bơkah kơphê lòt ngài rlau tai

Dơ\ lơh chờ kơpê dơ\ do, càr Dak Lak wă rò uă năc lòt nhơl bơh tàm lơgar mờ lơgar ndai, ală kuang đơng lam bồ ală bộ, gah sơnah lơh broă, ală gah broă. Bơta do sơlơ đơs ngan tai là, bơngă kuơ màng bơh càr Dak Lak dê, ù tiah geh rài kah yau, bơta niam chài rơgơi mờ ù tiah geh bơh jo\ rài. Buôn Ma Thuột tu\ do gam tam gơl dùl muh mat pa, brồ guh gơ gơs tiah drà nhap nhar, cèng bal bơta pràn tiah drà bơh tiah Tây Nguyên dê.

Cau mblàng K’ Hạnh