VOV4.K’ho – Tài ờ geh mờng chài tàm broă lơh atbồ mờ ai ngui, den tàng uă broă lơh ai dà ngui sa tàm [òn lơgar bơh càr Lâm Đồng dê gơtìp ờ niam, ờ diơng. Tàm khà do, tu\ do geh 108 broă lơh ờ lơh broă tai mờ lơh broă ờ huan geh cồng nha, lơh aniai uă ngan tus jơnau kờ` ngui dà sàng kloh bơh làng bol dê.

Bơh nggùl nam 2015 tus tu\ do, hơ\ là kờp bơh tu\ Lâm Đồng lam lơh broă rơndap lơh jàu ală broă lơh ai dà ngui sa [òn lơgar bơh Trung tâm dà sàng mờ kloh niam tiah ơm kis bơh càr dê ai ală tiah kấp hơ đơm in atbồ den bơta ờ niam, ờ diơng, ơm ờ lơh broă tai bơh ală broă lơh do dê ngai sơlơ gơguh uă.

              Dùl broă lơh ai dà ngui sa tàm [òn lơgar ngui bal tàm Lâm Đồng neh ờ gam lơh broă tai

Dilah nam 2016, Lâm Đồng geh 252 broă lơh ai dà ngui sa [òn lơgar den geh 71 broă lơh neh ờ lơh broă tai halà lơh broă ờ huan geh cồng nha, tus nam 2018, gùt càr gam 242 broă lơh den neh geh 108 broă lơh ờ lơh broă tai, lơh broă ờ geh cồng nha, tus khà rlau 44,5%. Jat ồng Lê Nguyên Hoàng, Phó Chủ tịch UBND kơnhoàl Đức Trọng, càr Lâm Đồng yal, gùt kơnhoàl geh mờr nggùl khà broă lơh ai dà ngui sa neh ờ gam lơh broă tai, gơbàn ờ niam, ờ diơng mờ jơnau tờm ngan lơh gơbàn bơta do là tài bơh kòn bơnus:

“Tàm Đức Trọng den tu\ do ală broă lơh ờ gam lơh broă tai gơguh tus 48%. Tài xã, ală mpồl atbồ is, atbồ ai ngui ală broă lơh ờ geh mờng chài broă lơh, ờ geh bơto bơtê, uă tu\ pờ cầu dao đèng hơ\ sồng lòt lơh broă ndai den hui\ tơn, lơh gơbàn ờ niam tus phan bơna, ma\i mok. Bè broă rơndap lơh bơsong den UBND kơnhoàl ring bal là jàu ai Trung tâm atbồ ngui broă lơh mpồl bơtìan in nàng gơtùi atbồ bal”.

Kờp tus tu\ do, Lâm Đồng geh khà làng bol [òn lơgar ngui dà sàng kloh là 88%. Bơdĩh mờ ờ tơl dà ngui sa tài bơh uă broă lơh gơbàn ờ niam, ờ diơng den dà tàm ală broă lơh do kung gam ngai sơlơ gơbàn ờ niam ngan. Bơh ai dà nàng sền tàm 90 broă lơh den geh tus 39 tàm khà 90 bơta dà geh sền ờ tơl khà bơta niam.

Jat ồng Phạm S, Phó Chủ tịch UBND càr Lâm Đồng yal, nàng gàr niam broă tơnguh uă khà làng bol geh ngui dà sàng kloh tàm tơngai tus, bơdĩh mờ jal mhar bơcri priă lơh niam wơl ală broă lơh ai dà ngui sa, den broă atbồ, ai ngui broă lơh kung kờ` pal geh jal mhar tam gơl mờ rơndap sap sèng wơl bè lơi nàng gơ in  dipal:

“Kờ` tơnguh uă bơta pràn atbồ geh cồng nha dà ngui sa tàm [òn lơgar bơh càr Lâm Đồng dê, pal kờp sền wơl ală broă lơh, dilah broă lơh lơi geh cồng nha den pơn jat tai jàu trung tâm atbồ in, ală broă lơh gam lơh broă dimơ den hòi jà bơcri priă bơh bơta tă pơ gồp gùt mpồl bơtìan dê, ai ală broă lơh ờ huan geh cồng nha mờ ờ gơtùi lơh niam wơl den geh tơn jơh broă ai ngui. Mìng is gơ wèt mờ ală rơndap broă, ală broă lơh dà mbòr mờ dilah tài bơh gơmù nhơt chi che den bol a` geh lam lơh tam brê bơ tơl mơ ai rơndap broă lơh tam nhơt chi che in, tơnguh bơta pràn phan kis tàm dà uă nàng tơnguh uă cồng nha broă lơh ai dà ngui sa tàm tơngai tus”.

                                                                                Cau mblàng K’Duẩn