VOV4.K’ho- Jat Ủy ban Mặt trận dà lơgar Việt Nam ƀòn dờng Hồ Chí Minh yal, tus tŭ do, neh geh uă tiah tàm gùt lơgar dong kờl broă lơh rcang sơndră kòp Covid-19 bơh ƀòn dờng dê. Tus tŭ do, ƀòn dờng neh dờp mờr 709 tơmàn đong priă mat, tàm hơ̆ càr Bến Tre dong kờl 500 tơlak đong, càr Quảng Nam dong kờl 2 tơmàn đong.

Bal mờ priă mat, ƀòn dờng Hồ Chí Minh gam dờp ală phan bơna mờ măy mok, sơnơm tơmba kờp priă rlau 105 tơmàn đong, bè: 10 tấn ƀùm lo bơh càr Vĩnh Long, 20 tấn phe bơh càr Đồng Tháp. Tŭ do, ƀòn dờng Hồ Chí Mih neh tam pà bal priă jền, phan bơna kờp priă rlau 709 tơmàn đong ai ală tiah, ală broă lơh sơndră kòp. Bơdìh hơ̆, neh geh 105 mpồl lơh broă, cau dùl nă să is cih mat dan dong kờl khà priă rlau  2 rơbô 293 tơmàn đong mờ Mặt trận neh dờp rlau 244 tơmàn đong, tàm hơ̆ geh 1 tơmàn đong bơh càr Tây Ninh dê nàng blơi sơnơm vaccine kơryan kòp Covid-19.

Cau mblàng K’Hạnh