VOV4.K’ho- Sơnđờm bơh lồi poh do, bàr pe tiah nhơl chờ, lòt còp nhơl chờ bơh ƀòn dờng Hồ Chí Minh dê, bè Thảo Cầm Viên, Ƀòn nhơl chờ Bình Qưới, Sươn nhơl Văn hoá Đầm Sen geh pờ mpồng wơl nàng drơng làng bol mờ năc lòt nhơl in. Do là jơnau mờ uă làng bol gam kơ̆p kờñ ngan. Jăt mờ hơ̆, sơnđờm bơh ngai 06/11, Sươn nhơl Văn hoá Đầm Sen pờ mpồng rò năc.

Ală broă lơh bơdìh trồ tàm sươn nhơl Văn hoá Đầm Sen geh lơh broă wơl

Tàm hơ̆, jơh ală drơng broă ala jơnau nhơl, lơh broă bơdìh trồ, drơng broă hùc dà kơphê, ñô sa ndrờm geh lơh broă wơl, mìng is broă lơh tàm anih lơh đơs crih tam ya den ờ hềt bơyai lơh wơl. Mơya, tàm tơngai sơnrờp do, Sươn nhơl do mìng pờ mpồng tàm ngai dơ̆ poh mờ ngai rlô pah poh. Ală anih nhơl chờ niam chài- trŭ gơm phan sa ndai, bè: sươn Minh Tâm tàm quận Tân Bình, ală tiah nhơl chờ Văn Thánh, Tân Cảng, Bình Qưới tàm quận Bình Thạnh kung neh geh jơnau yal pờ mpồng wơl sơl.

Cau mblàng Lơ Mu K’Yến