VOV4.K’ho- Drim òr, (23-11), tàm [òn dờng Hồ Chí Minh, UBND càr Gia Lai bơyai lơh pơrjum mut lơh bơcri priă càr Gia Lai nam 2018.

Pơrjum nàng kờ` tơrbo\ mờ ală cau chài, tập đoàn lơh sa, cau bơcri priă tàm lơgar mờ bơdìh lơgar, mơkung là tu\ tơngai buơn nàng yal tơng^t bơta pràn jak, bơta kuơ bơh càr Gia Lai dê tus mờ cau bơcri priă.

 Tàm dơ\ pơrjum, ală mpồl lơh sa kă bro geh tu\ tơngai nàng jòi g^t, cribơyai mờ kuang đơng lam bồ càr Gia Lai bè ală broă lơh bơcri priă, kă bro, nhơl chờ mờ mpồl cau lơh broă tàm càr Gia Lai.

Lài hơ\, tàm tơngume pơrjum gam ràng tơlik ală phan bơna bơh ală mpồl lơh sa kă bro tus bơh càr Gia Lai dê.

Cau mblàng K’ Hạnh