VOV4.K’ho – Drim òr (19/7), UBND càr Gialai bơyai lơh Pơrjum tìp mat mpồl lơh sa kă bro, iat ală jơnau đơs tă pơgồp, ală jơnau dan kờ` bơsong, bơt bơtàu broă bơcri priă niam mờ [uơn rlau. Tàm Gialai geh 3 rbô 410 mpồl lơh sa kă bro gam lơh broă, ai geh broă lơh mờr 75 rbô nă cau in.

Tàm 6 nhai bồ nam 2018, gùt càr geh 345 mpồl lơh sa kă bro crơng gơs pa mờ 165 mpồl gơ wèt mpồl lơh sa kă bro, ndrờm mờ priă bơcri cih mat rlau 2 rbô 210 tơmàn priă. Mơkung geh 26 hợp tác xã geh crơng gơs pa, tơnguh khà hợp tác xã tus 165 mpồl. Gialai neh bơyai lơh geh cồng nha pơrjum hòi jà bơcri priă mờ [òn dờng Hồ Chí Minh. Bơh hơ\, càr jàu kơrnuat bơcri priă ai 10 rơndap broă in, mờ priă bơcri cih mat mờr 5 rbô tơmàn.

 Bal mờ hơ\, ờ uă sở, gah lơh broă, ờ uă tiah tàm càr kung neh bơyai lơh ală dơ\ pơrjum tìp mat, iat bơta kơp kờ` bơh mpồl lơh sa kă bro dê; pờ email nàng dờp jơnau đơs, jơnau dan, jơnau lùp bơh mpồl lơh sa kă bro dê; càr sền gròi lơh niam wơl hành chính, ngui công nghệ thông tin tàm broă lơh cih mat mpồl lơh sa kă bro, ai priă dia điện tử, geh chính sách dong kờl mpồl lơh sa kă bro sơn đờm lơh broă. Tàm pơrjum, ală mpồl lơh sa kă bro kơp kờ` càr bơsong ală kal ke, kòl yal bè sră nggal hành chính, bơta ờ niam tàm broă lơh jat kơ nòl tă dia…