VOV4.K’ho – UBND càr Kontum pơrjum ờs mờng nhai 2 nam 2018. Pơrjum tơr gùm sền sơ wì broă lơh đơng pơlam bơh UBND càr dê mờ bơta lơh sa, mpồl bơtiàn nhai 2. Tus tu\ do, kàl lơh sa nhai mrềt prang bơh càr dê neh sih tam geh rlau 10 rbô lồ, gơguh uă rlau pơn drờm mờ tơngai bal bơh nam lài dê. Chi tam hòn gơs niam. Broă ròng phan geh gàr niam. Khà lơh sa suơn sre tàm nhai 2 gơguh uă.

Kuang đơng lam càr Kontum sồr ală Sở, mpồl lơh broă lam lơh ală broă lơh Poh niam chài, nhơl chờ mờ hòi jà bơcri priă nam 2018, sơlơ tơnguh rlau tai ală broă lơh hòi jà bơcri priă. Ală bơta geh gơ rềng tus rơndap broă bơcri priă; broă tơm wơl mờ ai ù pal sền gròi rlau tai. Broă lơh atbồ sền gàr mờ bơtàu tơnguh brê pal rơcang lài tàm broă rơcang sơndră, đal git ală broă lơh nàng rơcang sơndră lài mờ bơta trồ prang dờng soat dà; sơlơ tơnguh rlau tai kơrnuat lơh broă bal tàm broă rơcang sơndră mờ crùh ồs sa brê; bơyai lam lơh broă bơt bơtàu [òn lơgar pa tàm càr.