VOV4.K’ho - Ngai 20 nhai 2, kuang bàng đơng lam UBND càr Lâm Đồng bal mờ ờ uă sở, gah lơh broă tàm càr do neh geh dơ\ wă mờ lơh broă mờ ală anih lơh sa kă bro bơcri priă bơh lơgar Lo tus jòi kờ` bơcri priă lơh sa.

Tàm dơ\ lơh broă, UBND càr Lâm Đồng neh cri bơyai ală jơnau tơng^t tòm bè phan geh is ù tiah, bơta chài rơgơi; tàm hơ\ đơs tòm tus mờ 3 bơta geh, bơta pràn bơh càr Lâm Đồng dê là nhơl chờ drơng ala, lơh sa suơn sre công nghệ cao mờ lơh sa mờ măi mo\k.

Tu\ do, càr Lâm Đồng gam hòi jà bơcri priă tàm 2 rơndăp broă lơh gùng lòt dờng là gùng ntoăt jờl bơh Dầu Giây tus Liên Khương mờ rơndăp broă lơh niam wơl gơl gùng rơndeh ồs bơh Tháp Chàm tus Dà Làc.

Bơdìh hơ\ tai là ală rơndăp broă nhơl chờ geh ală mpồl hìu năc ơm, hìu sa, tiah nhơl chờ pơrài bồ tơngoh, [làng golf mờ ală tiah lơh [òn drà.

Tàm gah lơh sa suơn sre, hòi jà bơcri priă lơh ală hìu măi lơh gơs phan geh lơh bơh broă lơh sa suơn sre.

Tàm gah lơh sa mờ măi mo\k den kơ\p kờ` geh anih lơh sa kă bro bơcri priă lơh hìu măi lơh trà… UBND càr Lâm Đồng kơ\p kờ` ală anih lơh sa kă bro lơgar Lo geh tai jơnau yal kờ` g^t bè broă bơcri priă tơl rơndăp broă lơh tàm tơl gah broă.

Cau mblàng Ndong Brawl