VOV4.K’ho- Drim ngai 09/4, Phó Chủ tịch UBND càr Lâm Đồng ồng Phan Văn Đa neh geh dơ̆ wă mờ lơh broă mờ Đại sứ lơgar Phần Lan Kari Kahiluoto. Tàm dơ̆ wă,  Đại sứ Kari Kahiluoto cribơyai, yal tơngĭt bàr pe bơta pràn mờ bơta ƀuơn lơh broă bal bơh lơgar Phần Lan dê mờ Lâm Đồng bè atbồ khà dà, dà sàng kloh mờ tiah ơm kis, bơsong sồ siă tuh tơlik bơdìh...

                                                                                                     Dơ̆ lơh broă

Đại sứ kung đơs tus broă lơh ngan lơh broă bal bè rơndap broă lơh atbồ dà mờ Phần Lan gam sền gròi ngan tàm ƀòn dờng Bảo Lộc mờ tơngŏ bơta kơ̆p kờñ càr sền gròi, bơtàu tơnguh lơh rơndap broă lơh dà tàm tơngai tus.

Phó Chủ tịch UBND càr Lâm Đồng ồng Phan Văn Đa ưn ngài dơ̆ lòt còp mờ cribơyai tŭ tơngai niam lơh broă bal bơh Đại sứ mờ mpồl lơh broă dê. Ồng kung pà gĭt, Lâm Đồng tŭ do gam lơh ngan bơtàu tơnguh tàm uă gah: tàm hơ̆, geh bàr pe gah mờ càr Lâm Đồng tŭ do gam kờñ ngan geh dong kờl bơta mờng chài kung bè lơh broă bal bơcri priă lơh bơh đah lơgar Phần Lan dê bè bơt bơtàu ƀòn dờng ngăc ngar tàm Dà Làc mờ Bảo Lộc, atbồ dà, bơsong dà tuh tơlik bơdìh, atbồ brê mờ công nghệ.

Cau mblàng K’ Hạnh