VOV4.K’ho- Tơnơ\ tu\ geh gơ gơs là ùr hàng, Ùr hàng Hoàn vũ H’Hen Niê neh geh uă broă lơh geh kuơ nàng lơh gơlik jơnau kờ` ai rơnàng kơnòm să [òn lơgar in tàm gùng lòt rê hờ [òn lơgar tàm kơnhoàl Cư\ Mgar, càr Dak Lak dê.

Krơh bè nùs nhơm sơrlèt gan kal ke mờ kơ\ nùs lơh jat jơnau kơ\p kờ`, bal mờ jơnau đơs “H’Hen Niê lơh gơtùi, tơl nă cau kung geh lơh gơtùi sơl” mờ khai lơh gơrề neh pơgồp bơnah lơh gơlik jơnau gơkờ` ai rơnàng kơnòm să ală [òn lơgar tàm Dak Lak in.

Kung bè uă ùr ơruh ndai tàm [òn Sút M’đưng, xã Cư\ Suê, kơnhoàl Cư\ Mgar, càr Dak Lak dê sơl, pơrlòng gơkờn ơdu\ 12, H’Min Niê ơm tàm hìu dong mè bèp lơh broă sươn mìr hơ\ sồng bau, mờ deh kòn.

Ùr hàng Hoàn vũ Việt Nam 2017, H’Hen Niê yờ jơnhoa k[àng cih sèng akhar mờ dà kòn cau Rơđê mờ tơnguem “Ơ jơh tơl nă cau, H’Hen Niê neh lơh geh” gơ gơs là rùp să rềp mềl, đềt mềr ngan tàm nùs nhơm jơh tơl nă làng bol dê

Mơya, tu\ sền go\ bi ùr he dê là H’Hen Niê lơh ngan jơh nùs lòt bơsram dờng hơ\ sồng jòi broă lơh ơm kis ngài mờ hìu, lòt pơrlòng mờ gơ gơs là Ùr hàng Hoàn vũ Việt Nam dê, jơnau kơlôi sơnơng bơh H’Min dê neh rơhời gơ tam gơl.

H’Min yal, mờ bơta pràn bal mờ jơnau lơh gơkờ` bơh să tờm bi ùr he dê, bi geh lơh ngan nàng kis niam rlau, pràn kơldang rlau mờ ròng siam bơto bơtê nàng ală kòn he dê lơh geh rài kis tơnơ\ do niam bơne\.

Bi Hen là dùl nă cau pràn kơldang ngan, dùl nă cau gi\t dong kờl, kờ` gơboh. Lài do, oh là dùl nă cau lơbơn lơ`o ngan, ờ go\ pràn kơldang bè bì ùr a` dê, tu\ do oh kung geh tam gơl sơl nùs nhơm bồ tơngoh he dê, gơ gơs pràn kơldang rlau.

Rài tơnơ\ do oh dê den ờ gi\t geh gơlik bè lơi mơya oh kơlôi tơnơ\ do kòn ùr oh dê den oh geh lơh ngan ròng siam sền gàr nàng kòn ùr oh dê lơh geh rài tơnơ\ do niam bơne\.

Jơnau ùr ơruh kòn cau Rơđê, H’Hen Niê pơrlòng gơ gơs Ùr hàng Hoàn vũ Việt Nam nam 2017 neh gơ gơs là bơta chờ hờp mờ pơ`ìơ să ngan ờ mìng bơh să tờm khai dê mờ hìu bơnhă lơm ờ, mờ gam là bơh jơh bal gùt làng bol kòn cau Rơđê tàm ală [òn lơgar tàm càr Dak Lak dê sơl.

Ală bơnah priă dong kờl bơsram geh jàu te\ là jơh bal bơta pin dờn mờ bơta pràn lơh gơlik jơnau gơkờ` ai uă cau bơyô kơnòm să in

Bal mờ bơta chờ hờp, ală cau dờng sơnam tàm [òn gam ai khai nàng lơh krơh niam nàng bơto bơtê ală oh kòn, kòn sau he dê. Ồng H’Wiu dê, là kra [òn Sút M’đưng, xã Cư\ Suê, kơnhoàl Cư\ Mgar, càr Dak Lak pà gi\t.

Cau Rơđê he den H’Hen là cau sơnrờp lơh geh bè hơ\, bơh dềt tus tu\ do dơ\ sơnrờp hơ\ sồng geh dùl nă cau pơnrơ bè hơ\ den gơlơh chờ hờp ngan, ờ mìng să tờm a` lơm mờ geh bal [òn lơgar ndrờm chờ hờp lơm.

Bơh hơ\, a` kung kơ\p kờ` ngan ală rơnàng kơnòm să pal lơh ngan pơđơl pràn đòm krơh H’Hen dê, lơh ngan bơsram gơ in jak chài, jak ngan nàng hơ\ sồng pơgồp bal bơnah bơ\t bơtàu [òn lơgar ngai sơlơ pas sơm niam bơne\ mờ bơtàu tơnguh rlau.

Tàm dơ\ rê còp [òn tờm dơ\ sơnrờp tơnơ\ ngai pơrlòng gơ gơs ùr hàng, Ùr hàng hoàn vũ Việt Nam 2017, H’Hen Niê neh geh uă broă lơh geh kuơ tàm ù tiah mờ khai deh dờng tàm kơnhoàl Cư\ Mgar, càr Dak Lak.

Khai neh geh 2 dơ\ tìp mat, cèng wơl bơta pin dờn lơh gơlik jơnau gơkờ` lơh ngan sơrlèt gan kal ke nàng bơsram sră, lơh jat jơnau kơ\p kờ` ai rơnàng kơnòm să in.

Mờ bơta tam pà rềp mềl, song dơ pă jơh nùs, ală jơnau yal geh ngan bơh tàm ală tu\ tơngai sơrlèt gan bơh să tờm dê mờ ală bơta kal ke, bơta lòng tàm rài kis mờ khai neh sơrlèt gan neh dong uă cau bơyô kơnòm să in, ngan là ală rơnàng kơnòm să tàm [òn lơgar geh tai bơta pin dờn nàng pơđơl pràn mờ lơh jat jơnau kơ\p kờ` bơh he dê.

Là klau pơnu ơm dùl xã bal, bi Y Doal Niê tàm xã Cư\ Suê, kơnhoàl Cư\ Mgar gơlơh sền ki ngàm ngan H’Hen Niê tài bơh tàm [òn bi dê tu\ do dùl êt nă ngan cau kơnòm să, kuơmàng tai là cau ùr, geh jơnau kơ\p kờ` mờ lơh ngan lơh jat jơnau kơ\p kờ` bơh he dê. Den tàng bè hơ\, H’Hen Niê gơ gơs là krơh àng ai uă cau kơnòm să in sền tàm hơ\ mờ lơh jat.

Bơh krơh lo\ dê den a` sền go\ rơnàng kơnòm să tu\ do kờ` pal bơsram đòm jat bè là dùl krơh àng, gơtùi bơsram đòm jat lo\ bè broă bơsram sră mờ lơh ngan sơrlèt gan kal ke lơh jat jơnau mờ he kơ\p kờ`.

Mờ bè bơh lài tus tu\ do, rơnàng kơnòm să tàm tiah a` dê den ờ huan ngan geh jơnau kơ\p kờ`, ờ khin sơrlèt gan nàng lơh jat jơnau kơ\p kờ` bơh he dê. Den tàng bè hơ\ kung gam sơl uă bơta ờ jai sơrlèt gan nàng lơh geh.

Jat bơta kơlôi sơnơng bơh H’Hen Niê dê, ùr hàng pal niam tàm nùs nhơm bơh làng bol [òn lơgar dê mờ ờ go\ di mìng là cồng nha ai điểm bơh mpồl cau atbồ dơ\ pơrlòng dê lơm gời ờ.

Den tàng bè hơ\, khai sùm kơ\p kờ` lơh ală jơnau niam bơne\ bè bơta àng gơcrà bơh sơgơn mơ`à dê; kis kờ` gơboh mờ dong kờl jơh tơl nă cau. Broă sơnrờp gơtùi lơh hơ\ là lơh gơlik jơnau gơkờ` ai uă cau in, ngan là rơnàng kơnòm să bè nùs nhơm lơh ngan sơrlèt gan tàm broă bơsram sră, lik bơh [òn lơgar nàng lơh jat jơnau kơ\p kờ` bơh he dê.

Yal bè ală broă rơcang lơh tàm tơngai tus, H’Hen Niê pà git, khai geh lơh ngan lơh gơs gơ in niam tơngai lơh kơnòl broă ùr hàng he dê, pơn jat tai lơh bal lơh gơlik jơnau kơ\p kờ` ai rơnàng kơnòm să [òn lơgar in, nàng dong ală oh geh tiah niam nàng bơsram mờ sơrlèt gan.

Dilah mờ đơs ngan, den Hen kờ` he gơ gơs là dùl nă ùr ơruh ùr hàng lời ai làng bol [òn lơgar in, hơ\ là Hen kờ` geh lời tu\ jiơ uă ngan rlau jơh ai làng bol [òn lơgar in. Mờ Hen geh pơn jat tai gùng lòt bal mờ jơh ală oh ròng gàr bơta kơ\p kờ` bè là bơnah priă dong kờl bơsram mờ Hen neh jàu pà. Bè broă rơndăp lơh jàu priă dong kờl bơsram 3 nam ai ală oh in, den do là jơnau mờ Hen kờ` geh sền go\ geh cồng nha lơh geh.

Hen geh lòt bal mờ jơh ală oh, bơh bơta tam pà bal bơta kơ\p kờ` halà bơta lơh sa bơh oh dê tơnơ\ do. Oh kơ\p kờ` là jơh ală jơnau kơ\p kờ` bơh ală rơnàng kơnòm să dê geh tiah niam mờ geh lơh ngan nàng lơh gơs niam broă bơsram sră bơh he dê.

Bơh jơnau yal bè gùng lòt tus cồng nha bơh să tờm dê, ùr hàng Hoàn vũ H’Hen Niê neh gơ gơs là jơnau lơh gơlik bơta gơkờ` ai rơnàng kơ nòm să in, kuơmàng là ală cau kơnòm să là cau kòn cau ală [òn lơgar tàm Dak Lak.

Cau mblàng mờ yal tơngi\t- Lơ Mu K’Yến