VOV4.K’ho- Ngai òr  27/2, Mpồl kuang bàng lòt sền bơh Ủy ban Kơrnoat boh lam Quốc hội dê neh lơh broă mờ càr Dăk Nông bè broă lơh jat bàr pe jơnau sồr bơh Adat rơndăp tăp sèng gơnoar atbồ [òn lơgar, adat Kuang bàng, công chức, adat Viên chức.

Tàm dơ\ lơh broă, ală kuang bàng neh tơrgùm cribơyai, lơh loh làng broă lơh rơndăp tăp sèng gơnoar atbồ tàm tiah do; broă ai tàm ntrờ` công chức kấp xã; bơta geh ngan mpồl công chức lơh broă tàm gah lơh sơnơm, bơto bơtê bơh càr dê; broă gơhòi gơ jà cau jak mu\t lơh broă; cồng nha tơrmù biên chế bơh càr dê…

Càr Dăk Nông dan pal ring bal mat hòi ai tơl anih broă lơh, tơngume pràn jak, rơndăp tăp sèng ngạch công chức mờ biên chế ndrờm pal mờ tơl anih broă lơh tàm gùt lơgar nàng càr in geh cơng tàng jàu biên chế dipal mờ gơnoar broă, kơnòl broă bơh tơl gah, tơl broă lơh dê.

Gơ wèt mờ ală càr den pal jat tàm ală jơnau, bè: khà kờp làng bol, bă ù, tiah ring, tiah kơh bơnơm…halà jàu tai kơnòl broă pa, ai bơta hơ\ nàng lơh bơta pal geh, cơng tàng nàng bơtơl tai bàr pe anih broă lơh halà biên chế di pal…Mpồl kuang bàng neh tơrgùm jơh ală jơnau đơs, jơnau dan bơh càr dê nàng yal mờ Quốc hội in kơlôi sơnơng tàm ală tu\ tam gơl, lơh gơs ală rơndăp lơh adat nàng gơ in dipal jat bơta krơi is bơh tơl ù tiah, tơl [òn lơgar dê.

Cau mblàng Lơ Mu K’Yến